Dahil umalis si Ate Calline, at wala ring magamit na sasakyan, ito ako ngayon, nakatunganga lang sa balcony ng kwartong inuukupa ko.
"Vera?" sunod-sunod ang naging pagkatok ni Yko.
"Pasok." Tipid na tugon ko saka muling ibinalik ang tingin sa karagatan.
Pumasok si Yko at dumeretso rito sa balcony. Agad na sumiksik sa tabi at yumakap sa bewang ko.
"Too close." Saway ko rito.
"Nakapag-isip na ako. Hindi na ako manliligaw." Actually, nagulat ako sa sinabi nito. Pero hindi ko ipinahalata.
"Good decision. Mas tatagal ang pagkakaibigan kung walang bahid ng romantic feelings."
Bumuntonghininga ito. Pero wala nang sinabi. Nakayakap lang sa akin. Damang-dama ko ang init ng katawan n'ya sa pagkakadikip pa lang ng katawan naming dalawa, na kung tutuusin ay balot na balot pa ng damit.
