Sumama ako kay Mang Boy, kailangan daw nitong magtungo sa bayan. Habang si Bible Vera ay naiwan kasama ang asawa ni Mang Boy. Tuturuan daw nitong magluto si Vera. Kaya naman nagpaiwan din ang dalaga.
"May kilala po ba kayong nagta-tattoo?" tanong ko sa matandang nakaupo sa passenger seat. Minamando lang nito kung saan ang direction na dapat tahakin ng sasakyan.
"Mayroon, gusto mo bang doon muna tayo pumunta bago natin kunin iyong order ng asawa ko sa palengke?"
"Pwede po?" tanong ko sa matanda.
Agad naman itong tumango.
"Sige po, puntahan muna natin iyang tattoo artist na kilala n'yo." Tugon ko rito. May gusto lang akong ipalagay sa balat ko na ayaw kong mawala. Habang naroon pa ang original na marka. Mula nang magising ako'y iyon na talaga ang nasa isip ko.
Kaya kahit maiiwan s
