ILANG BESES akong umikot-ikot sa kama ko dahil hindi ako dalawin ng antok. Hanggang ngayon kasi ay iniisip ko pa rin ang sinasabi ni Lester sa'kin.
"Totoo kayang mahal niya ako?"
Pinilig ko ang ulo. "Patulugin mo na ako!"
Dapat nga ay mahimbing na akong natutulog ngayon dahil tinurukan ako ng nine inches na karayom kanina pero imbes na makatulog ako sa pagod ay hindi ako dalawin ng antok.
Nilingon ko si Dina na mahimbing na natutulog. Bumangon ako upang uminom ng gatas ngunit nang makita ko ang yosi ko ay nagsindi ako ng sigarilyo at binuksan ko ang bintana kung saan matatanaw ko ang bilog na buwan. Alas tres ng madaling araw at bukas ay may pasok pa ako.
"Umalis ka sa isip ko!" Pinilig ko ang ulo ko. Hindi na kasi nawala sa isip ko si Lester. Hindi ito normal para sa'kin. Marami ako
