Kabanata 12
Tristan's POV
Naalimpungatan ako sa malakas na pagsiren ng aming school bell. Kinusot-kusot ko muna ang mga mata at saka nag-unat, natutop agad ng paningin ko si Lee na mataman pa ring nakatitig sa kanyang binabasa. Ewan ko sa kaibigan kong ito. Parang may kung anong kakaiba sa kanyang pinagkikilos. 'Di ko magawang isatinig iyon dahil nga sa 'di ko rin alam kung ano ang iniisip niya.
"Mabuti't may balak ka pang gumising, akala ko magtatagal pa tayo rito." Tumayo siya habang nagsasalita, kaagad naman niyang itiniklop ang libro na kanina la'y naka-focus siya sa pagbabasa rito. "Tara na, tapos na ang klase ni Miss Vasquez," alok niya sa akin.
Tumayo na rin ako at inayos ang upuan, saka ibinalik na rin ang librong kinuha ko kanina sa tamang lalagyan. Nakatanaw pa ri
