Kabanata 22
Jarry’s POV
Maaga akong nagising kanina dahil nga sa hindi ako gaanong nakatulog kagabi, dahil sa misteryosong humawak sa may braso ko. Sigurado akong hindi kamay iyon ni mama, dahil kilala ko na ang kamay ni mama. Ang pinagtataka ko lang ay kung ibang tao iyon, paanong makakapasok? E, sa labas pa nga ng bahay naming ay pinalagyan na nila papa at kuya ng mga guards for safety.
Lalo na ngayon na baka may lihim na may galit sa aming pamilya. Mas lalo lang nadagdagan dahil sa nangyari kay Niknik. Paano kayang nangyari na biglang nawala ang katawan ni Niknik nang nahulog siya? Posible kayang buhay pa si Niknik? Pero sino naman ang tumulong sa kanya? Imposible rin naman na isa sa mga kaibigan niya, kasi nga pati si kuya Stanley ay may gali
