“Ang ikli,” reklamo ko pagkapasok niya sa kaniyang kotse. Pilit kong binababa ang suot kong dress dahil kalahati na ng hita ko ang lumilitaw. Ang dami-dami niya kasing puwedeng ipasuot sa akin, ’yon pang tube dress na fitted pa. Ang hirap gumalaw.
Maayos naman ang design at kulay ng dress. Navy blue ang napili niya at may mga part sa dress na may ruffles dahil ’yon naman ang design niya. Mas lalo pa ngang lumitaw ang aking kaputian dahil sa kulay ng dress. Kaya masasabi kong magaling pumili ’tong lalaking ’to. Ultimo ang suot kong jewelry, may taste rin siya.
Ang jewelry kasi na suot ko ay sa kilalang brand din sa France. Kaya siguradong aabot na ’to nang ilang milyon. Sabi ko nga sa kaniya na ayos na sa akin ang gold lamang. Kaso mapilit siya. Gusto niyang may mga diamond ’to.
“It’s no
