الشيطان يعظ ( الجزء الثالث)

الفصل الثاني

#نكمل

في مشهد اخر

جو و بيتر وصله مطار المنيا العسكري كان في طياره خاصه منتظره

بيتر : جو ساكت ليه

جو : كان بنا اتفاق ناخد الحاجه و نصفيهم

بيتر : مش عارف حاسس انه كان غلط وقتها بس انا ها لبسه خزوق حلو

جو : ازي

بيتر : انا اتفقت مع مباحث الاموال في اكتر من دوله انهم يحجزه علي الأرصدة بتاعته (فتح الاب بتاعه و شغل صفحه) من هنا ها نشوف الأرصدة بتاعته و هيا بتتجمد

جو : (بص في الشاشه) لسه ثابته

بيتر : نعمل ايه في النت المصري لازم نحدث الصفحه (حدث الصفحه و لقي ارقام الحسابات كلها جايبه صفر مش مكتوب عليها بلوك) ايه ده

جو : ( ضحك) هههههه واحد مصري غفلك

بيتر : صن اف بتش

نرجع عندي انا كنت ماسك لاب بتاع صقر قبلها كلمت خليل و الحرس يجه ليا و بعدها حولت الحسابات من ٤٠ دوله لي ٨٠ دوله تنين عمر الغ*ي نسي يقفل حسابه في البنك المركزي من علي الجهاز كتبت ورقه فيها عشر ارقام حسابات و البسورد بتعهم

انا : امسك يا صقر

صقر : ايه ده

انا : دول عشر حسابات بره مصر الارقام بتاعتهم و الباسورد بتاعهم

صقر : بتوع ايه

انا : نصيبك انتا كنت واقف علي دماغ الناس و هيا شغاله حقك يا اخويا

صقر : بس مفيش بنا حقوق

انا : لو كنتم اخوات اتحسبه بس الاب ده يلزمني

صقر : عادي خد الاب

انا : ماشي

صقر : انتا كلمت خليل ليه

انا : علشان مش واثق في جو و بيتر دول خالص كانه جايين يرمه شويه فلوس و ياخده الباقي (صوت في ودني عد الجمايل)

صقر : اممم وجه نظر

انا : قولي تحب تعمل ايه بعد ما بقيت مليونير

صقر : (فكر شويه.) نفسي في حجرين قص و صندوق بيره صقاره

انا : طيب قول حاجه عدله

صقر : ده الي عندي ها

انا : خلاص يا سيدي ماشي و انا قاعد معاك. كمان

اخدت صقر و رحنا قهوه بلدي كانت الساعه يمكن ١٢ خلينا بتاع القهوه يفضل فاتح و وصل خليل و الرجاله خلتهم يقعده معانا

صقر : (طلع كنزايه بيره ليا و ليه) امسك

انا : (فتحت بتاعتي و اخدت بوق) ها تعمل ايه بعد كده

صقر : مش عارف الصراحه

انا : طيب يله نمشي

صقر : الساعه كام

انا : ثلاثه الفجر

صقر : طيب يله

قام حاسب و ساب لي بتاع القهوه بقشيش كبير الراجل كان ها يعيط ركب عربيته و مشي و انا ركبت مع خليل و الحرس و مشينا وصلنا البيت الساعه سته الصبح طلعت الاوضه بتعتي انام زي القتيل لحد ما صحيت علي ريان

ريان : خالو يا خالو اصحي

انا : (مسكته من هدومه) انتا مين

ريان : انا ريان

انا : ريان مين

ريان : ريان ابن اختك.

انا : كلمه السر

ريان : معرفش

انا :ههههه ماشي يا ريان روح و انا صاحي

ريان : ماشي

طلع ريان و انا دخلت الحمام اخد دش سخن في عز الصيف ايوه يا زوز انا من الناس المصابه بالتوحد و باخد دش سخن في الصيف طلعت لبست و نزلت تحت كانه متجمعين تحت

سحر : صباح الخير يا مرفود

اميره : لا يا ماما اصله رجع تاني

سحر : رجع ازي ده قرار رفده وصل الشركه النهارده

اميره : لا اصل ورد راحت اتكلمت مع العميد و وافق انه يرجع

سحر : امممم طيبه اوي ورد دي

هند : لا و كمان قمر يا ماما بجد بنت جميله

انا : خلصته هري طيب اتغديته

سحر : مستنين جنابك

انا : فين نغم

علياء : مع كمال بيتغده بره يا سيدي

اميره : جو محن و ملزق

انا : بكره تتجوزي واحد بس يقص ل**نك الطويل ده

اميره : (طلعت لسنها تغظني)

انا : طيب انا عزمكم علي الغدا بره

سحر : ماشي بس انا الي ادفع

انا : طيب ابقي عازم ازاي

اميره : خلاص يا ماما سبيه يدفع دم قلبه

انا : ماشي يا اميره

سحر : طيب انا موافقه

انا : طيب نطلع نلبس

طلعنا كلنا نلبس و نزلنا اتغدينا بره و رحنا مول زمان كنت بصرف بحرص علشان الفلوس قليله رغم انه زمان كان معايا مليون دولار بس دلوقتي لا اي حاجه هما عايزنها اشتريها قعدنا في كافيه

سحر : ايه كل الاكياس دي

علياء : ميزو عزمنا علي شوبنج

سحر : بس ده كتير اوي اوي كمان يابني ارحم نفسك

انا : يا ستي مش مهم انا قايم اشوف حاجه و راجع

قومت لفيت شويه في المول لوحدي لقيت محل ساعات دخلت جوه اشتريت اربع ساعات و رجعت

انا : ست الكل

سحر : عايز ايه

انا : ليه الوش ده بس

سحر : علشان البعزقه دي كلها

انا : مش مهم دي شويه هدايه بس مش اكتر بس انتي ليكي عندي هديه اتمني تعجبك (طلعت من الكيس علبه فيها ساعه رول** حريمي) اتمني تعجبك

سحر : (فتحت العلبة و شافت الساعه ابتسمت ب**وف و اخدتني في حضنها) ربنا يخليك ليا يا حبيبي

انا : و انتي كمان

قعدنا شويه و بعد كده رجعنا تاني البيت بس انا قاعد مش نايم علشان نمت كتير جدا عملت تحويل من حساب بره مصر لي حسابي جوه مصر و بعد كده طلبت خزنه من علي النت بس من شركه ده تخصصها طلع الصبح عليا و انا قاعد قومت فطرت و نزلت رحت لي ورد رنيت عليها نزلت ركبت معايا و رحنا الجامعه دخلتا لي العميد و معايا ورد

عميد : اهلاً يا مازن اتفضل

انا : (قعدت و حطيت رجل علي رجل)

ورد : مازن جاي يا دكتور زي ما اتفقنا

عميد : طيب اتمني يا مازن تبطل تعمل مشاكل مع ناس كبيره

انا : ههههههه ضحكتني يا دكتور اكبر ايه بس انتا متعرفش اصل ابو الواد اترفد من شغله امبارح (طلعت شيك من جيبي) ده شيك بي مليون دولار تبرع لي الجامعه هنا (طلعت واحد تاني) و التاني ده ليك بس مقابل انك ترفد الواد ده الشيك بتاعك يقدر بي ثلاثه مليون دولار ها تاخد الشيك وله احطه في جيبي

عميد : (فضل باصص ليا شويه) اعتبره اترفد

انا : (ابتسمت بتكبر) شاطر

سبت الشيكين و اخدت ورد رحنا الكافتيريا

انا : اتفضلي يا ورد

ورد : ايه العلبه دي

انا : دي هديه ليكي

ورد : (فتحت العلبه الي كان فيها ساعه رول** حريمي) ايه ده

انا : هديه علشان روحتي لي العميد و اتكلمتي معاه

ورد : (قفلت العلبه و هيا مبتسمه) اسف يا مازن مش ها قدر اخدها

انا : ليه

ورد : أخدها بصفتي ايه اقبل منك هديه ازي

انا : صداقه اخوه احترام رد جميل

ورد: طيب هو نوع الساعه دي ايه

انا : رولكس

ورد : (مبتسمه) طيب الساعه دي تمنها مش اقل من ٦٠٠ او ٧٠٠ الف جنيه يعني مليون إله ربع مش حرام واحد يلبس ساعه بالرقم ده بص عايز تديني هديه

انا : ايوه

ورد : تاخد الساعه دي و ترجعها و بالفلوس تعمل تبرع لي جمعيه خيريه او. مستشفى خيري

انا : كلام جميل بس فين الهديه في كده

ورد : الهديه اني عملت خير و خليتك تفكر في عمل خير الثواب كفايه عندي

انا : طيب خدي الساعه و انا اعمل تبرع بضعف الرقم ده بس لو قبلتي الهديه

ورد: انا قولتلك مش ها ينفع اقبلها بس الهديه التانيه اقدر اقبلها

انا : (فكرت شويه و لقيت كلامها فيه شيء من المنطق) ماشي يا ورد

ورد : (مبتسمه) يله ندخل المحاضره

انا : يله

رحنا ندخل المحاضره و خلصنا اليوم و اخدتها اوصلها لحد البيت و رجعت انا البيت خلص اليوم و تاني يوم رحت الشركه بدري تلفوني رن من رقم غريب متسجل علي الترو كولر باسم فريده سامح

انا : الو مين معايا (انا عارف بس بعمل صايع)

فريده : انا فريده يا مازن

انا : اه ازيك يا فريده عامله ايه

فريده : كويسه انتا فين كده

انا : في القاهره ليه

فريده : طيب ممكن اشوفك نتكلم شويه

انا : (فكرت شويه) مس عارف يا فريده عندي شغل

فريده : ارجوك يا مازن بجد انا محتاجه اتكلم معاك فعلا

انا : (اخدت نفس) ماشي يا فريده ممكن

فريده : انا في الفندق بتاعكم في القاهره

انا : طيب نصف ساعه و اوصل

فريده : اوكي ها ستناك سلام

انا : سلام

قفلت معاها و اتحركت علي الفندق بعد ساعه وصلت هناك و سألت الاستقبال عرفت ان فريده قعده في البار فوق طلعت فوق لقتها قعده علي البار نفسه لبسه نظاره شمس و قدمها كاس

انا : فريده (بصيت قدامي لقيت حارسه المدينه قعده على البار و وراها مرايا و بتشاور فيها طلعت تلفوني و بعت رساله لي خليل)

فريده : مازن عامل ايه

انا : تمام انتي الي عامله ايه

فريده : (دموعها نزلت زي ما تكون منتظره كلمه زي دي) تعبانه اوي يا مازن

انا : ليه

فريده : عماد بي**ني و مش مع واحده ده مع ستات كتير جدا انا مش عارفه اتكلم مع مين

انا : و طبعاً فكرتي فيا انا

فريده : مفيش غيرك

انا : (ولعت سيجارة و انا مبتسم بسخريه) بعد ما كنت الاختيار الاول بقيت التاني بصي يا فريده انا مش ها تكلم معاكي و اعاتب و اقول انا قولت ليكي كده من الاول و كشفته ليكي بس انتي رفضتي تسمعي لي حد غير نفسك و ده اختيارك اتمني تتحملي نتيجه الاختيار ده

فريده : (دموعها زادت اكتر) حتي انتا يا مازن بابا و ماما قاله نفس الكلام ليه الكل جي عليا ليه

انا : انتي عايزه ايه يا فريده ها عايزه ايه انتي فكره ان احنا في فيلم هندي البطل منتظر حب حياته تفوق و تعرف غلطها و يتحده علشان يخلصه من الشرير و تبقي البطله لي البطل و يعيشه في تبات و نبات و يخلفه صبيان و بنات لا يا بنت سامح القرش احنا في ارض الواقع مش قصه هابطه من فيلم هندي كل الي اقدر اقوله ليكي يا تعيشي معاه يا تطلقي منه و بعد ما تطلقي برده مش ها نرجع لي بعض مهما كان فريده انتي صفحه بالنسبه ليا قفلتها بس انتي كل فتره تمسكي في الورق علشان ميتقلبش اسف يا فريده بس انا ها قفل الصفحه دي الأبد ابوس ايدك ابعدي عن حياتي انا مصدقت ابدأ ارتب دنيتي

فريده : (زادت في العياط) ارجوك بلاش تبعد عني

انا : مش بقولك فيلم هندي بس لا يا فريده انا ها بعد عنك و ده ليا و ليكي سلام

نزلت و سبتها تعيط اكيد ناس بتقول اني مش راجل اسيبها تبكي وسط الناس او ازي اسيب فرصه زي دي اني اخد حقي من عماد بس فريده علشان بريئه مينفعش تبقي طرف في حرب زي دي خلاص يا فريده انتي اخترتي الطريق و انا اخترت طريق تاني خالص ركبت العربيه و اتحركت بعيد عايز ابعد ابعد لي ابعاد حته روحت الشغل و دخلت المكتب بتاعي و طلبت الشغل المتأخر علشان امضيه و انا شغال لقيت الباب اترزع مره واحده و دخل منه حراسه في الأول و وراهم سامح القرش

انا : (استغربت من الطريقه) عمه سامح

سامح : (مسكني من لياقه القميص و رفعني و بتكلم بنرفزه) انتا عملت ايه في بنتي يا حيوان

انا : حيوان ايه و مالها فريده

سامح : مش عارف يا كلب

دخل خليل و الحرس المكتب و معاهم سحر بس بعدد يفوق رجاله سامح

سحر : سامح نزل الواد

سامح : انزل مين مش قبل ما اعرف عمل ايه في بنتي

سحر : (اتنرفزت جدا) مش حابه الامور توصل لي كده بس انتا الي اخترت خليل افتح النار

انا : (بصوت عالي) اثبت يا خليل

سحر : نفذ الامر

انا : خليل لو سامح مات ها قتلك بأيدي تثبت بقولك (مسكت ايد سامح و انا متنرفز بعدتها عني) و انتا اقعد و فهمني ايه الي حصل

سامح : (بصوت عالي) و انتا مش عارف

انا : طيب اقعد (طلعت وقفت علي الباب و كان موظفين الدور كلهم باصين عليا كلمتهم بصوت عالي) الي مش ها يرجع لي شغله بعد ما اعد لي خمسه مرفود و ملهوش مستحقات ١......٢.....٣...... (الكل راح لي مكانه) رضوي

رضوي : (السكرتيره) ايوه

انا : شوفي حد من البوفيه يجيب زفت قهوه بسرعه (دخلت) خليل طلع السته دول بره يله

خليل : حصل

طلع خليل و الحرس بره

انا (قعدت علي الكرسي قدامه) ممكن تهدي و تفهمني

سامح : انتا قابلت فريده النهارده

انا : ايوه رحت ليها فندق نازله فيه و كانت قعده في البار بتشرب زفت بسبب خيانه الزفت ليها ها ايه تاني

سامح : انا حذرتك تدخل فريده في مشكلك مع عماد حصل

انا : حصل و من ساعتها دي تالت مره اقبل فريده من غير عماد

سامح : (بصوت عالي) كان في قبل كده

انا : متعليش صوتك عليا انا عامل حساب لي العشره اللي بنا غير كده ملكش عندي حاجه فريده بنتك جت اشتكت ليا منك و من امها و من عماد الباشا طلع شهريار و كل يوم مع واحده و لما جريت علي امها قالت ليها ده اختيارك و لما جريت علي ابوها قال ليها نفس الكلام جريت علي الغريب الي هو انا تتكلم معاه و صدتها و منعتها انها تتكلم معايا تاني بس

سامح : و هيا تيجي ليك ليه من أصله

انا : اسأل نفسك و انتا تعرف كل ده منين اسأل نفسك

سامح : لا انا اسألك انتا انتا الي سبتها لي الشيطان

انا : و هيا سلمت ليه بمزجها مش بمزاج حد تاني

سامح : بس. كنت عارف انه شيطان و سكت

انا : و انتا كمان كنت عارف تقدر تقولي سكت ليه امها سكتت ليه و متقولش مكنتش اعرف انتا مشهور بنظرتك في البشر محدش غلطان في القصه دي غير بنتك انتا و انتا ماشي معاها في سكه انك ترمي الاخطاء علي شماعتي انا

سامح : (قام و دمه محروق علشان وجهته بالحقيقة) مهما قولت او بررت موقفك برده انتا السبب و كفايه اني عارف انك متأكد انك السبب (رايح ناحيه الباب)

سحر : (قعده تسمع بس و مولعه سيجاره) سامح (قامت وقفت قدامه اخدت نفس و نفخته في وشه) اقسم بديني و معتقدي لو قربت من ابني تاني و عمل حركه زي دي ها زعلك بلاش يا ابن مدرب الكلاب تنسي نفسك تاني المره الاولي فوقت علي ايد عزام الخديوي المره دي انا بنت مش ها فوقك لا (رمت السيجاره علي الارض و داست عليها بجزمتها) ها فعصك يا سامح و خليك فاكر كلامي دلوقتي تقدر تطلع بره شركتي (بزعيق) بره

طلع سامح و على وشه غصب الدنيا و سحر وقفه بصه ليا ببرود و عين جامده دخل خليل و قفل الباب وره

خليل : حصل

انا : تمام فتح عينك الفتره الجايه علشان عندنا مشاكل كتير الفتره الجايه

خليل : حصل يا كبير

سحر : خليل

خليل : ايوه يا هانم

سحر : انا قولت كلمتين افتح النار ليه مفتحتش

انا : علشان مش بيفتح ثلاجه ده رصاص و في ناس ها تموت و انا الي امرته يعمل كده

سحر : ليه

انا : علشان لما كنت مع فريده في البار شوفت واحد في المرايا و هو بيصورني مع فريده عرفت اني بعدها ها تجيلي زياره يا من ابوها يا من جوزها فا طلبت منه اين كان الي جاي يحط في عربيته جهاز تتبع

سحر : ازاي محدش من الحرس بتاعه شافكم

انا : لا هو مش سايب حد يأمن العربيه بتاعته هو داخل و عايز يبين انه اكتر مني رجاله و سلاح علشان كده ساب وسيله هروبه لو عمل مصيبه عريانه (سرحت شويه) و دي اول مره يغلط سامح مش بتاع غلط

سحر : طيب انتا حطيت في عربيته جهار تتبع ليه ما تخلي واحد من الرجاله يراقبون

انا : علشان ده جو قديم و مهروس في مصر من ايام الملك فاروق لزم تبقي طريقه مبتكره

سحر : تاني مره لو ها تعمل حاجه زي دي ابقي عرفني فاهم

انا : لو لحقت ها عرفك

طلعت سحر و انا قعدت اخلص شغلي كله لحد ما جيه الليل طلعت من الشركه اخدت عربيتي و رجعت القصر تاني قعدنا علي السفره مع بعض كلنا

كمال : يا مازن

انا : خير يا دكتور

كمال : انا خلاص خلصت تشطيب في شقتي و كنت عايز اعرفك اني احنا ها ننقل قريب

انا : كويس ده خبر كويس

نغم : كويس علشان ها سبكم

اميره : طبعا انا اساسا حطه عيني على الجناح من اول ما اتعمل

سحر : بس انا مش موافقه ان بنتي تسبني

كمال : حضرتك تشرفينا في اي وقت و لو حبين خدوها اسبوع اتنين اربعه

نغم : ماشي يا كمال ليلتك سوده

انا : كمال عندي كنبه في الاوضه تعاله نام عليها بدل ما تقتلك بليل

كمال : شكلها كده

سحر : خلصته هزار طيب انا لسه مش موافقه

انا : من امته الراجل بيعيش في بيت مراته في بيتها و يا ريته بيتها لا ده بيت اهلها مينفعش

كمال : يا طنط انا متربي علي اني الست الي اتجوزها لازم اتكفل بيها من كل حاجه كل شيء مش بس سكن و انا اسف مش ها قدر اتنازل عن النقطه دي

انا : و ده حقك

سحر : انتا موافق

انا: الحق احق ان يتبع بس كلامه مفهوش غلط و بعدين انته الاتنين مدخلنا في حياتكم ليه ها دي مراتك و انتا جوزها كلمتك تمشي عليها غصب عنها اسمع يا دكتور بلاش تدخل حد في حياتكم وله سحر وله انا وله اخواتها وله حتي ابوك و امك كمان حياتكم ليكم مش لينا (قومت) يله سفره ديمه

سبتهم و طلعت الاوضه بتاعتي عملت قهوه و ولعت سيجارة و طلعت ورقه صورتها و بعتها لي ورد بعدها رنت عليا

ورد : ايه ده

انا : ده يا ستي قرار من مجلس اداره مجموعه الخديوي بأنشاء دور في مستشفي خيري باسم ورد سلطان ال**بد

ورد : بس بس ده كتير

انا : ايه هو انتي بس الي بتعملي خير وله ايه

ورد : بجد يا مازن انتا مش عارف الدور ده ها يفرق مع ناس كتير قد ايه بجد يا مازن ده ثواب كبير اوي

انا : انتي السبب فيه

ورد : بس انتا وافقت و ده في حد ذاته كويس

انا : ماشي يا ست ورد ها تروحي الجامعه بكره

ورد : ايوه على فكره صقر رجع النهارده من البلد

انا : بجد معرفنيش

ورد : وله حد كان يعرف يله ها رحمك من كل شويه وصلني الجامعه

انا : اه ماشي تمام يله اسيبك تنامي سلام

ورد : سلام.

قفلت معاها و لفيت وشي لقيت الحارسه قعده على السرير و لابسه بيجامه بيتي و عليها ميكي موس

انا : (اتخضيت) ايه ده

حارسه : ايه

انا : مش تطلعي صوت بدل ما اتخض كده القراء فكرين اني خرع

حارسه : انتا فعلاً خرع انتا والكاتب الي مطلع عين امي هنا و هناك

انا : معلش نور تبعنا برده نستحمله

حارسه : اكل العيش

انا : و ايه الي انتي لابسه ده

حارسه : كنت لسه ها نام سمعتك بتتكلم مع ورد قولت اجي اسأل و اعرف منك التفاصيل

انا : ها نهزر تنامي ازي و بلبس ده

حارسه : خيال الكاتب معلش

انا : طيب عايزه تعرفي ايه انتي مش عفريته اعرفي انتي

حارسه : لا حابه اسمع منك

انا : مفيش حاجه

حارسه : يعني مش بتحس ان صوتها و هيا تقولك يا مازن بيسحرك

انا : بحس و انا مستغرب من كده

حارسه : بلاش تستغرب من امر الحب الحب ملهوش سلطان يا مازن عيش اللحظة خليك سعيد

انا : انتي مقتنعه ان في سعاده

حارسه : لا بس البشر بيكذبه علي نفسهم و يقوله انها موجوده في الدنيا بس لا السعاده في ال*قول الي فكره انها ها توصل و هيا معندهاش مقومات لي السعاده

انا : عندك حق (قعدت جنبها)

حارسه : خايف من السعاده الي حستها ساعه ما فريده لجأت ليك في المكتب صح

انا : جداً

حارسه : قلبك لسه متعلق بيها

انا : حب الطفوله

حارسه : عارفه بس انتا في طفولتك كنت ساذج جداً تفتكر انتا لسه بنفس التفكير

انا : مش عارف بس كل الي اعرفه اني مش الطفل ده

في مشهد اخر

الساعه اتنين بليل و محمود اخويا راجع البيت بليل لقي عماد وقف تحت البيت و معاه الحرس بتوعه

محمود : عايز ايه يا عماد

عماد : جايلك يا حوده

محمود : خير و افتكر ان مفيش منك خير بس نفترض

عماد : انتا عارف يا محمود انا اخدتك تحت جناحي مش لي ذكائك الفتاك زي ما قولت في الاول لا انا اخدتك تحت جناحي بس علشان احط مازن تحت عيني مش اكتر

محمود : طول عمرك وسخ و انا الي مش شايف كلهم قاله عليك وسخ بس انا قولت لا

عماد : (ابتسم ببرود) صح انتا كنت غ*ي زي مازن برده يا راجل امك تقولك الشخص ده مش كويس تمشي معاه و تزامل الشيطان الفرق بيني و بينك انتا و مازن اني كنت بسمع كلام امي كويس جدا علشان كده انا هنا و في المكان ده و انتا و مازن لسه تحت جزمتي

محمود : لا انتا الي ع**ط لو فاكر ان كل الناس تحت جزمتك

عماد : انا مش ها دخل في نقاش معاك في القصه دي الاني واثق من نفسي كويس اوي بس انا جاي برده مش عاشق جمال وشك انا جاي علشان انا واخد فيلا اعط فيها براحتي و محدش دخلها خالص غير نسوان شمال و فريده عرفت بيها شكيت تكون واحده شمال بس ازي واحده شمال تعرف طريق فريده هانم القرش بس لما رجعت نفسي اكتشفت انه في حد تاني دخل الفيلا دي غير النسوان الشمال هو انتا يا عصفوره الي كنت بتنقل اخبار اخوك ليا

محمود : ايوه انا الي عرفت فريده و ها فضل اعرفها كل وساختك واحده وره واحده لحد ما تقتنع انها سابت حاجه نضيفه علشان انتا

عماد : هههههههههه انتا تقف قدامي انا تبقي عبيط

شاور لي الحرس بتوعه ض*به محمود علي دماغه وقع علي الارض و نزله ض*ب فيه بعصي زي بتاعت الامن المركزي كده و محمود تحت منهم عضمه بيت**ر عضمه وره عضمه رفعوه علي كبوت عربيه و نزله ض*ب في رجله كزي ض*به

عماد : (شاور ليهم يبطله وقفه نزل مسك محمود من شعره و هو وشه كله دم رفعه و وجه لي البيت) ده البيت الي ابوك طول عمر يتباهه به ده البيت الي كان ابوك. فاكر انه مفيش منه اتنين ده البيت الي ابوك كان يقول انه بيت متين محدش يقدر يقرب منه ابوك الي مفكر نفسه ابو الرجاله صح (واحد حط في ايده قزازه ملوتوف) ها حرقه قدامك

رمي القزازه في البيت و عشره من رجلته رمه وراه دور و التاني و الثالت لحد ما النار مسكت في البيت كله و محمود علي الارض

المشهد العام

الابواب المفتوحه مش جايه غير بالشر تفتكره البطل ها يكمل وله لا هو اكيد ها يكمل علشان هو البطل و الابطال بتحارب و تعيش منتصره او تموت و هيا بتحاول بس السؤال الاهم هو ها يحارب لحد امته و ها يخسرو ايه في حربه الصراحه دي انا مش عارفها

يتبع.. .