الشيطان يعظ ( الجزء الثالث)

الفصل الرابع

#نكمل

..

و احنا قاعدين لقيت صقر جاي عليا اخدني بالحضن

صقر : صحيح الي سمعته

انا : صح

صقر :و بعدين يا مازن

انا : العادي لما حد يجي عليك تاخد حقك

صقر : طيب مين الي عملها

انا : عماد السراجي و اختفي

صقر : طيب دورت عليه في البيت بتاعه في ضهر الجبل

انا : هو عماد عنده بيت في ضهر الجبل

صقر : ايوه انتا متعرفش

انا : لا معرفش

صقر : لا عنده بيت في ضهر الجبل

انا : عارف طريقه

صقر : طبعاً

انا : طيب تاخد رجاله بس من العرب و تروح تجيبه لو لقيته خلاص هاته بس عايزه عايش

صقر : عايش

انا : عايش

صقر : لو قاوم

انا : تاخد واحد من الرجاله الي كانه في روسيا لو قاوم هما ها يخلوه يستسلم

صقر : ماشي

محمد : انا جاي معاك

انا : بدراعك ده اقعد يابني هنا انا ناقص اقعد روح يا صقر

محمد : رايح يعني رايح

صقر : ماشي سيبه يا مازن انا هاخد بالي منه

مشي صقر و انا دخلت لي محمود الاوضه كان معاه نور

نور : لازم تاكل يا محمود

محمود : مش عايز اكل اي حاجه

أنا : ليه

محمود : اكل ليه علشان افضل عايش اعيش ليه و انا خلاص رجلي ضاعت و ضهري ات**ر و عيني راحت

انا : انا رجلك و عكازك و ضهرك و عينك كمان انا اخوك الكبير ياض اسمع انتا ها تتعالج صدقني ها تتعالج لو ها جيب العلاج علي حساب اي حاجه حتي لو حسابي انا بس لزم تاكل علشان تقف علي رجلك و تتعالج و عماد ها جيبه علشان تاخد حقك منه

محمود : (دموعه نزلت) ازاي

انا : (مسحت دموعه بايدي) اوعي تعيط تاني و اوعدك ها تفتح و تمشي كمان لزم تتغذي كويس نور محمود ياكل حتي لو غصب عنه

نور: ماشي يا مازن

سبتهم و رحت الاوضه لي سما كانت قعده تعيط

سما : جمال مات

انا : مات ايه هو اي حد ده جمال يا بنتي مش ها يموت بسهوله

سما : ايه الي حصل

انا : هو دخل في غيبوبه بس متخافيش ها يفوق لو ها قعد مكانه

سما : و محمود قالي محمود ايه الي حصله

انا : بلاش تشيلي هم حد خالص جمال و محمود ها يقومه علي رجلهم

سما : وعد

انا : وعد اسيبك ترتاحي

طلعت من الاوضه بتاعت سما و رحت الاوضه لي فيها جمال كان نايم علي السرير و متوصل بالأجهزة و خراطيم الأ**جين قعدت علي كرسي جنبه

انا : فاكر يا جمال لما تعبت و ماما كانت في العمره لما قعدت جنب السرير ثلاث ايام علشان حرارتي تنزل كنت اول حاجه اشوفها اول ما صحيت بعدها بفتره مسكتني نزلت فيا ض*ب و لما سألتك قولتي علشان انتا نايم تعبان و مفيش علي ل**نك غير فريده طيب اخوك يا جدع فاكر انتا اغلي عندي من الدنيا كلها وحيات شدتك انتا و محمود لا اخد حقك من اي حد و من الي عمل فيكم كده ها قومكم من علي السرائر و انيمه مكانكم بس اصبر عليا اجيبه و هاعمل فيه حجت محدش يتخيلها

سبته و طلعت بره الاوضه قعدت شويه و رنت عليا بترسين

انا : في اخبار كويسه

بترسين : لزم نتكلم انا ها بعت ليك برنامج افتحه علشان نتكلم براحتنا

انا : طيب سلام

قفلت معاها و وصلني لنك فتحته و كان فيديو كول دخلت الاوضه علشان الهدوء

انا : بترسين

بترسين : مازن انا معايا دكاتره من جميع انحاء العالم حاله محمود يتكلم عنها دكتور البير

البير : (بيتكلم انجليزي) مستر مازن علاج حاله محمود موجود بس مكلف

انا : ايه نوع العلاج

البير : في جهاز ها نزرعه في الضهر مكان الفقره الم**وره بس ها يكون مكلف جدا

انا : كام

البير : ١٠ مليون دولار و الجهاز ده متجرب كتير جدا و في رجل اعمال مصري انا عملت ليه العمليه دي و نجحت اسمه

انا : مش مهم عندي اسمه المهم النتيجه

البير : مضمونه

انا : و النظر

البير : ده يتكلم فيها دكتور ستيفان

ستيفان : الضرر الموجود مش بس في العين كا جهاز بصري لا و كمان العصب البصري في المخ ها نزرع عصب و نغير ال****يه

انا : طيب ها نجيب ال****يه دي منين

بترسين : من بنك الاعضاء هنا في روسيا

انا : طيب و العصب

ستيفان : العصب الصري هناخد عينه من المريض التاني و منها ها نجيب العصب البصري

انا : انا مش عايز واحد يشوف و التاني لا

ستيفان : لا العصب البصري مش حاجه سهل انها تتجدد في حاله محمود لكن لو اخدنا جيفا (و دي حاجه اقل من الملي كا وحده قياس) و زرعناها عند محمود ها يقدر يشوف تاني بدون ضرر لي الحلتين

انا : طيب و حاله جمال

بترسين : دكتور عثمان

عثمان : (دكتور ايراني) حاله جمال سهله جدا

انا : ازي دي غيبوبه

عثمان : الغيبوبه سببها خطأ طبي في محوله استخراج الرصاصه سببت فشل جزئي في وظائف الكبد الدكتور تعامل مع الموضوع بشكل غلط و ده سبب فشل كامل في وظائف الكبد كل الي محتاجه هيا عمليه زرع كبد و دي نقدر نخدها من حاله محمود الان التوافق بنهم كبير ها نزرع الكبد يفوق بعد العمليه بيومين

انا : طيب كلامكم جميل بس عايز اسمع نسب

البير : نسبه النجاح 99% مقدرش اقول نسبه ابعد من كده

عثمان : نسبه نجاح جمال من الزرع 98%

ستيفان : انا عندي مشكله واحده بس

انا : ايه هيا

ستيفان : لو توفرت الاجهزه الي ها طلبها نسبه النجاح لي عمليه العصب 60% و ال****يه 80% لو توفرت بدائل لي الاجهزة دي النسبه ها تنزل لي 1% عمليه العصب 1% لي عمليه ال****يه

انا : طيب يا دكاتره حدده كل حاجه انته عايزنها من معدات و اجهزه و انا ها وفرها

بترسين : لا انا الي ها وفرها صعب انك تلقي الأجهزة دي

انا : طيب خلاص احسبي الدنيا دي كلها و التكاليف و ابعتي ليا الرقم

بترسين : اوكي

عثمان : سؤال هو مكان العمليه ها يكون فين

انا : في مصر

عثمان : صعب انا موجود علي قائمه ترقب الوصول في مصر

انا : انا ها تصرف

عثمان : معنديش استعداد اجازف مع الحكومه المصريه

بترسين : خلاص تعاله انته

انا : انقل جمال ازي

عثمان : في طياره طبيه انا ها تعاقد مع الشركه الي ها توفرها و مفيش اي قلق علي الحاله

انا : تمام تمام بترسين شوفي القصه دي و عرفيني المعاد

بترسين : (اتكلمت عربي) تمام يا مازن متخفش الدكاتره دول اشطر دكاتره في مجلهم

انا : انا واثق فيكي

بترسين : و انا مش ها خذلك سلام

انا : سلام

قفلت مع بترسين و. جالي تلفون من محمد

محمد : الف مب**ك. جبنا الكلب

انا : اديني صقر

صقر : (اخد التلفون) ايوه

انا : وقع ناس كتير

صقر : ايوه راحه ثلاث رجاله الكلب كان ملغم الباب

انا : طيب تواصل مع القبيله علشان نشوف اهله

صقر : ماشي

انا : و خد الكلب ده علي القاهره في مخزن هناك

صقر : طيب اخده على القبيله

انا : بعد الي عمله في المزرعه الي تحت حمايتكم و قتل الثلاثة مضمنش انه يفضل حي و انا عايزه حي

صقر : حاضر احنا ها نتحرك على القبيله في القاهره هناك ها يكون بعيد عن اي حد

انا : مضمون

صقر : ايوه مضمون

انا : ماشي اتحركه علي هناك سلام

صقر : سلام

قفلت مع صقر و طلعت بره الاوضه و سحر كانت في الممر

سحر : انا دخلت لي محمود اطمن عليه الواد صعبان عليا اوي

انا : ها يخف انا لقيت علاج ليه هو و جمال كمان

سحر : بجد فين

انا : بره مصر المهم اني لزم انقل جمال القاهره

سحر : خلاص اتواصل مع مستشفي هناك تيجي تاخده في إسعاف مجهزه

انا : و انا ها شوف مكان تنزل فيه سما و محمود

سحر : تنزل فيه ليه لا سما و محمود ها يقعده معانا في البيت في القاهره.

انا : انتي موافقه

سحر : طبعاً دول ولاد الغاليه و اخوتك و كمان مصاريف العلاج

انا : لا مصاريف علاجهم عندي انا

سحر : بلاش تكابر انتا خسران كتير كفايه المزرعه الي اتحرقت

انا : اخسر الجلد و السقط مش مهم المهم انهم يقومه تاني اخواتي انا الي اشلهم مش حد تاني

سبتها و رحت اوضه محمود

انا : اسمع يا سيدي عندي ليك أخبار حلوه جدا

نور : ايه يا مازن قول

انا : خلال الفترة الجيه و هيا ممكن يكون يومين او ثلاثه ها تسافر روسيا علشان ترجع تاني و انتا علي رجلك

محمود : بجد وله بتقول كده و خلاص.

انا : عيب عليك ياض هو انا بتاع كلام و خلاص هيا بس سفريه ها تكون طويله شويه انتا و جمال و سما و لما ترجعه ها تكونه احسن و انا ها حصلكم يوم العمليه (قربت منه بوست راسه) متخفش انا معاك لحد اخر العمر

محمود : (حضني) انا اسف يا مازن لو زعلتك في يوم

انا : اعمل ايه يعني اخويا الصغير الرخم لزم استحمله و بعدين نسيت ياض كنت تسلفني فلوس و تجيب ورقه فاضيه و تخليني امضي عليها و تقولي لو الفلوس مرجعتش ها حبسك بالورق ده

محمود : (ابتسم) انا لسه شايل الورقه ده علي فكره

انا : طيب قولي فين لحسن ده ورق في مصايب و ممكن اتحبس

محمود :في البيت (سكت و وشه قلب)

انا : (مسكت ايده) البيت ناس يا محمود مش حيط و سقف و طول ما احنا مع بعض لو في النار تتقلب جنه ايه الدراما دي لالا يا عم ايه ده بت يا نور

نور : ايوه يا مازن

انا : فرفشي الواد ده ها عايزه حماده سلطان

نور : ماشي سبه ليا انتا بس

انا : و انا واثق فيكي

سبتهم و طلعت بره لقيت سحر قعده مع سما و بتتكلم معاها

سما: صحيح يا مازن لقيت علاج

انا : ايوه كلها يومين ثلاثه و تسفره علشان العلاج متخفيش جمال ها يفوق تاني علشان يشهد علي حضور الباشا الصغير

سما : كنت عملها مفاجأة

انا : حلو لما يفوق و يشوف محمود ها يحتاج حاجه تفرحه و مفيش احلي من خبر زي ده و صنيه بسبوسه من ايدك ها يقوم يجري

وصل عمي مصطفي

مصطفي: نور كلمتني و بتقول اخبار ممتازة

انا : النهارده يوم سعيد و الاخبار فيه كويسه بس انا عايزك في حاجه أهم

مصطفي : ايه هيا

انا : نور ها تسافر مع محمود

مصطفي : ازي يعني نور و سما بس و الاتنين مش قدرين يتحركه ها يكونه نسوان لوحدهم

سما : (عيطت)

انا : اهدي و وطي صوتك علشان انا وصلت لي اخري خلاص و معنديش استعداد اطبطب و ادلع و اقنع ناس بال*قل خلاص وقت ال*قل خلص احمد ابنك معه اجازه مفتوحه من شغله ها يسافر هو و اخته معاهم و انا مش باعتهم لي المجهول انا ها كون هنا اخلص حقهم و معاهم في نفس الوقت و محدش ها يقدر يلمس شعره منهم

سبته و مشيت بعيد شويه و كلمت سيد ده وزير الخارجية

سيد : مازن بيه اخبارك

انا : انا تمام بس عايز حضرتك في حاجه مهمه

سيد : تحت امرك خير

انا : عايز اطلع جوازات سفر بس في اسرع وقت

سيد : يعني في خلال قد ايه

انا : يوم او اتنين

سيد : تمام انا بس ها حتاج صور شخصيه و كمان ارقام قوميه

انا : بس في منهم مريض في كومه

سيد : امممم دي ها تبقي مشكله

انا : ليه

سيد : علشان هو كده مش مؤهل لي اخد قرار زي السفر

انا : طيب ينفع اخوه الصغير

سيد : لا

انا : طيب عم او خال حتي زوجه

سيد: يبقي ها نحتاج موافقه العم و الخال و كمان الزوجه و محتاج تقارير طبيه هما مسفرين فين و انا اتواصل مع السفاره علشان التأشيره

انا : لا التأشيره دي سهله بس اهم حاجه عندي الوقت

سيد : طيب ها كلمك بكره

انا : طيب

قفلت معاه

انا : خليل

خليل : ايوه

انا : اسمع (طلعت المحفظه اخدت منها صوره لي محمود و جمال و انا شايل الصور دي معايا من يوم ما شلت محفظه) امسك الصور دي و ها تاخد متعلقات شخصيه لي محمود و جمال تطلع منهم البطايق و تخليها معاك ها جيب ورق تاني برده ليك تخدهم و تروح لي سيد وزير الخارجية

خليل : تعرفه منين

انا : مش مهم تاخد الورق و تروح ليه مكتبه و تدهوله بصفه شخصيه

خليل : ماشي

رجعت لي مصطفي

انا : حضر صوره لي نور و احمد و كمان البطايق بتعتهم

مصطفي : يابني ميصحش دي اصول

انا : معاها اخوها الكبير و لو مش واثق في ابنك تسافر انتا مكانه

مصطفي : اسافر ازي و شغلي

انا : خلاص ابنك موجود (هديت نبره صوتي) عمي مصطفي ارجوك بلاش تقول لا لو قولت لا الموضوع ده ها يأثر علي علاقه الاتنين ببعض و محمود مش ها يسافر و انا معنديش استعداد يقعد ساعه واحد و هو كده انا بتقطع من جوه و محدش حاسس بيا

سحر : يا مصطفي يعني الواد ها يخ*فها ده ابن عمها و تربيه امل

مصطفي : (فكر شويه أصله مرتبط ببنته جدا ارتباط جنوني) طيب يا مازن موافق

انا : و انتي يا سما معاكي صوره شخصيه

سما : معايا صوره و البطاقه

انا : طيب عملتي ايه في موضوع الاسعاف

سحر : ساعه و توصل

انا : طيب انا رايح مشوار و راجع

سحر : رايح فين

انا : متخفيش هنا و جي

نزلت اخدت عربيه من غير حراسه و رحت البيت القديم شكله محروق و حاجه دي حرقت قلبي دخلت جوه البيت الي كله رماد رحت عند اوضه امي الي كل حاجه فيها محروقه و الدولاب بتعها الي فيه هدمها قعدت ابكي زي الطفل و انا ببكي تلفوني رن مسحت دموعي و رديت كان سامح القرش

سامح : عماد فين يا مازن

انا : معرفش هو انتا تعرف مكانه

سامح : بلاش تستعبط عماد اختفي من بيت الجبل

انا : يعني كنت عارف مكانه و كمان مخبيه

سامح : ايوه عماد غلط و حل المشاكل مش بالطريقه دي انا خبيته لحد ما نقعد و نحل الموضوع بال*قل

انا : هو جوز بنتك ساب مجال لي عقل برده انا قولتها كلمه ها قتله يعني ها قتله اسمع يا سامح انتا كنت عارف و ساكت و اتسترت عليه و انتا بالطريقه دي **بت عدوتي

سامح : ما تعقل الكلام ياض انتا يا ترجع عماد يا اخده علي جثتك

انا : انتا عارف انا فين انا في البيت الي بسببه بقي رماد خرابه بيت عمران خربه عماد ورحمت ابويا ان كان هارون او محمد لا اقتله و بالي عملته **بت عدوتي انا و خلاص انا حطيت اسمك تحت اسمه (اتكلمت بستهزاء) يا عمو سامح

قفلت السكه في وشه و بصيت علي الارض لقيت حاجه بتلمع قربت منها و طلعتها طلعت طقم القهوه بتاع امي من سبرته و كنكه و فنجان كلهم نحاس اخدتهم و ركبت العربيه رحت محل ملابس رجالي اشتريت كام طقم و كام غيار و لبس نوم علشان محمود و لبس لي سما اخدته من بيت ابوها و رجعت تاني المستشفي كانت وصلت الاسعاف طلعه جمال علي سرير متوصل بأجهزة الانعاش و محمود علي كرسي بعجل و نور سابت محمود و هيا بتبكي جامد ركبنا كلنا و اتحركنا رحنا المستشفي في الاول علشان جمال و بعد كام ساعه اخدت سما و محمود و رحنا القصر كانه البنات في انتظارنا رحبه بيهم و طلعه محمود اوضه و سما كمان و انا اترميت علي كنبه و جنبي البنات اخدوني في حضنهم و انا خلاص عقلي ها يطير مني و حاسس انها بتقفل طلعت الاوضه و انا مش قادر انام خالص لحد تاني يوم صحيت بدري و اخدت سما و محمود و قعدنا علي السفره نفطر و انا بحايل في سما علشان تاكل و محمود كمان لحد ما جالي تلفون من خليل

خليل : مازن بيه

انا : ايوه يا خليل

خليل : انا روحت الوزارة و قبلت سيد بيه بس هو عايزك تجي ليه

انا : اشمعنا

خليل : معرفش بس هو طلبك

انا : طيب طيب انا جي سلام

قفلت مع خليل

سما : مازن انا عايزه اروح لي جمال

انا : حاضر اجهزي و اخدك معايا

محمود : و انا كمان رايح معاها

سحر : تروح فين لا انتا تعبان

محمود : مش عايز اتعب حضرتك

سحر : تعب في ايه ياض انتا ابن الغاليه امك يابني دي اختي مش صحبتي و لو مش ها شيل ابن اختي اشيل مين اطلعه انته و محمود معايا

انا : طيب يله يا سما

سما : حاضر

طلعت سما تلبس و انا كمان طلعت البس و نزلت تحت اخدتها في العربيه و وصلتها المستشفي و طلعت علي مكتب سيد رحت هناك و دخلت جوه

سيد : اهلا يا مازن اقعد

انا : (قعدت) خير يا سيد بيه

سيد : بص يا مازن انتا مش شخص عادي لا انتا شخص مميز و كمان محبوب اكتر من جه في الدوله مقدمه دعم ليك انتا الحصان ال**بان في سباق الخديوي بس

انا : اه جينا لي الكلمه الي مش بحبها بس ديمن بعد الكلام الحلو كلمه بس و بعد بس كلام مش لطيف

سيد : لا لطيف بس لو بال*قل

انا : (بصيت ليه شويه افكر هو عايز ايه) طيب بال*قل

سيد: تعاله معايا

قومت معاه و رحنا نحيه باب بس غير الي دخلت منه فتحه و دخلنا جوه. كل الحبايب متجمعه حاجه كده تفرح سامح القرش عا** و حسن و محمود و عزمي السراجي

انا : الحبايب كلها هنا ياه وحشني اوي يا عيله السراجي

سيد : اقعد يا مازن اقعد نتكلم

انا : بس كده نتكلم (قعدت علي كرسي و طلع تلفوني و مقفول مش عارف ليه و علبه السجاير و الولاعه)

سيد : بلاش تستغرب تلفونك مش شغاله وله اي تلفون هنا شغال طول ما احنا في الاوضه دي علشان نتكلم براحتنا

انا : طيب (بصيت في الساعه) قدمك ساعه اصل مستعجل عايز ازور اخويا في المستشفى

سيد : طبعا انته ها تبدأه الكلام و تعرضه طلباتكم و نتفاوض فيها سامح بيه اتفضل

سامح : عماد يرجع ليا

سيد : ماشي كلنا عايزن نعرف عماد السراجي فين حتي وزاره الداخليه عزمي بيه اتفضل

عزمي : قبل اي كلام انا عايز اشكر حضرتك علي استضافه دي و اشكر سامح بيه انه عرفنا عليك و اشكر (بص عليا لقاني بلف بالكرسي زي العيال الصغيره) طيب نتكلم و نشتغل زي العيال

انا : اخلص يا عزمي احنا مش في المجلس هنا اختصر يا بابا علشان بعد الساعه ها مشي

عزمي : (بص ليا بغيظ) ارضي ترجع ليا مشكلتك مع حسن مع حسن و ابنه ملهاش دخل بيا خالص

انا : طيب نختصر الوقت افتكر اني عا** و محمود ليهم نفس الطلب صح (سكته) السكوت علامه الرضا

سيد : دي طلباتهم الي ها تنفذها

انا : طيب بما انكم طلعته تجره علي سامح القرش يبقي اليائس متمكن منكم و فريد قدر يض*ب اوتار حساسه ههههههه فظيع فريد ده يستاهل كل قرش ها دفعه ليه

عا** : احنا ملناش دعوه بمشاكلك مع حسن عايز ترجع ورثك في محمد خده من عياله و احنا ها نسعدك

انا : لا يا شيخ ورث ايه ارض السراجي كلها تسوه كام 20 او 40 مليون جنيه دول شويه فكه مش مكملين تمن العربيه بتعتي

سيد : مازن لزم

انا : ها قول نفسك كلامك لزم نتكلم طيب نتكلم بس في حكايه قديمه زمان جمال السراجي رفض يدفع فلوس لي عا** و محمود عا** يدخل شرطه و محمود يدخل نيابه جري محمد و دفع الفلوس علشان يدخله بس جمال ابوكم كان عارف انكم اوساخ و اوطي من الموس علي البلاط عارف انكم يوم ما تملكه السلطه ها تدفنه الكل و الي فكر فيه حصل اكلته حق محمد في ورثه و حق مصطفي بس الاتنين كانه انضف من المشاكل مع شويه اوساخ زيكم سكته و تعويض من عند الي خلقهم بقو اغني منكم ارض و فلوس و انتا يا حسن لما اتجوزت مراتك و كنت ماشي فرحان محمد عرفك انها ست مش كويسه و سمعتها مش حلوه و من ساعته و محمد بيقول على بيته البيت الأبيض الي حرقه ابنك بس امي سكتت و قالت عوضي عند الي خلقني بس كانت ديمن تحكي الحكايه دي ليا الي عمرها يعدي ٤٠ و انا لسه فاكرها

سامح : مش قصتي عماد يرجع

انا : عماد طيب بما اني احنا في اوضه مش ها ينفع تسجل ليا فيها احب اقولك اني عماد تحت ايدي ايوه تحت ايدي و علشان انتا مهتم جدا بعماد و ده غريب عليك الانه مش مهم بالنسبه ليك يبقي عماد يعرف عنك حاجه كبيره و مهمه و انا ها عرفها عرضكم مرفوض

سيد : يعني انتا رافض صح

انا : هيا كلمه عرضكم مرفوض مش واضحه وله اعيد تاني

سيد : خلاص يبقي نقدم عرض حسن نيه (طلع من جيبه جوازين سفر) ده جواز سفر باسم احمد مصطفى السراجي و اخته نور امسك

انا : (اخدت الاتنين)

سيد : و الباقي مش ها تاخده غير لما تنفذ المطلوب منك و الجوازات مش معايا دي مع سامح بيه

انا : (بصيت لي الاتنين شويه و طفيت السيجاره) سيد انا لسه مخلصتش تحويل الفلوس بتعتك من العمليه الاخيره و انتا ماشي معايا في العوج خلاص انا راجل حرامي و نصاب و اكلت فلوسك عليك

سيد : لا ده كلام تاني انا قتيل فلوسي

انا : بس كده انتا تأمر تحب تموت ازي وله اقولك فكره احلي و احلى و انتا طالع من هنا بص علي مكتبك كويس علشان ها تودعه يا معالي الوزير سامح اول ما تطلع من هنا و تلفونك يشتغل ها يوصلك فيديو فيه رجلتك و هما ميتين علشان حصره بيت الخديوي يا ابن مدرب الكلاب سلام

طلعت من الاوضه و انا حاسس انها قفلت معايا خالص

المشهد العام

عرفته ليه اسمه جزء المصايب تفتكره في مصايب تاني وله كده كفايه ارحمك من التفكير غزيزي القارء ايوه فيه اصل مستحيل تكون الحياه سهله ديمن بيكون فيها مشاكل و كل مشكله بتطلع منها متعلم حاجه جديده علشان تعرف تتعامل مع المشكله الي جيه بعدها

قانون الحياه يا صديقي و دي ضريبه النفسه الي بتتنفسه (بيني و بينك مفيش حاجه بالمجان في الدنيا)

و زي ما قال والدي الله يرحمه (انظر الي الجحيم فا تره ان ما تعيشه ما هو إلا نفحات من نسيمه )

يتبع.....