"Ninong ®"
ni Madam K
[[ KABANATA XXIII ]]
"TULOY ka." Sabi ni Kuya Canor. Una siyang pumasok sa loob ng bahay nila---sobrang putik ng mga paa namin. Kahit naka-payong kami, basang-basa pa rin talaga kami, "...Ma, si Erwin, anak ng kumpare ko. Nakatulog na iyan siya rito kasama niya Ninong niya noong nakaraang fiesta." Pakilala niya sa akin, inabutan siya ng tuwalya at nagpunas ng buhok---mukha. Tiniklop ko ang payong---inabutan din ako ng tuwalya pagkapasok ko.
"Salamat po." Sabi ko. Mukhang nanay na talaga ang asawa ni Kuya Canor. Parang si Tita lang. Napasilip ako sa loob---may isang binatilyo na hindi ko noon napansin noong fiesta, mukhang matanda lang sa akin ng ilang taon pero mas matanda pa rin si Mackie, hindi rin kasi siya nakipag-inuman sa amin. Napatingin lang siya sa akin-
