"Nabanggit sa'kin ni Lawrence kanina na may announcement daw kayo ni Summer," pag-iiba ko sa usapan.
Hindi ko naalalang may naabutan ako tungkol sa announcement kanina. Siguro ay napag-usapan iyon habang naroon pa ako sa opisina niya at kausap si Stella.
Pasimple akong nag-iwas nang tingin mula kay Yuzef habang pinapakalma ang sarili kong nararamdaman at baka isipin niya ay madali akong bumigay sa simpleng titig niya lang. Ayokong mapagtanto niyang may ganung epekto sa'kin ang kulay abo niyang mga mata.
"Walang kinalaman si Summer sa announcement ko kanina," sagot niya bago muling nilagyan ng laman ang baso ko. "It's about the opening of my new resort."
Kinuha ko muna ang may laman kong baso bago tumingin sa kanya.
"It's part of your family business?" pasimple kong tanong para hindi
