CHAPTER 45
Ngayon ko mas higit naiintindihan si Mama kung bakit gustung-gusto niya na hanapin ko noon si Papa. Gusto niyang gumaan ang buhay ko. Gusto niyang maranasan ko ang maalwang pamumuhay na hindi niya sa akin maibigay. Ngayon ko lubos na naiintindihan kung bakit pumayag na lang basta si Mama na maging kami ni Axel nang nalaman niyang mayaman ito, hindi para sa kanya kundi para sa akin at sa mga kapatid ko dahil alam niyang deserve naming makaranas nang kaginhawaan sa buhay. Ang hindi ko lang maintindihan ay kung bakit napakahirap para kay Mama na patawarin si Papa? Bakit hindi ito magawang tanggapin muli? Sabagay, may mga bagay na silang dalawa lang ang nakaaalam na hindi ko maintindihan. Hindi ko alam ang kanilang buong kuwento malliban sa mga kinukuwento lang sa akin ni Papa. May
