CHAPTER 52
Hindi madali ang pagpapagamot ko sa aking leukemia. Inabot din ako ng ilang buwan o halos isang taon bago sinabi sa akin ng doctor na fully healed na ako. Hindi biro ang milyon-milyon na ginastos sa aking ng aming grupo ni Papa. Kung tutuusin para na nilang binili ang pangalawang buhay ko. Tama si Papa, kung papasok ako sa grupo, hindi na ako makakawala pa. Forever na akong kasapi ng Mafia. Ngunit kung iyon lang ang paraan para makakuha ako ng hustisya sa pagkamatay ni Mama at sa ginawa nila sa akin ay kaya kong isanla ang buhay ko nang paulit-ulit hanggang makapaghiganti ako.
Masaya kong ibinalita kay Papa na sa wakas, cancer free na ako. Iba yung saya ng alam mong hindi ka na mamamatay pa sa sakit. Kung alam ko lang na si Papa lang pala ang makatutulong sa akin, sana hindi n
