الفتي الشرير

الحلقة الخامسة #الصعود

#الفتي_الشرير

#الحلقة_الخامسة

#الصعود

_____________

كنت كل يوم بكلم ابويا اطمن عليهم واقفل تليفونى بعدها وببص فى التاريخ لقيت النهارده 10 فى الشهر قولت طالما كده اروح الغردقه اريح دماغى شويه

*عند اميره وانجى فى الغردقه

انجى : خلاص بقى يا اميره سامحينى انتى بقالك كام يوم مش بتكلمينى

اميره : اكلمك ليه وانتى سبتينى ومشيتى

انجى : سامحينى انا خايفه لان عمرى ماعملت حاجه زى كده

اميره : انتى حره اعملى اللى انتى عاوزاه

انجى : ابوس دماغك سامحينى انتى صاحبتى الوحيده وماقدرش على زعلك وانتى عارفانى كويس بخاف من اى حاجه

اميره : طب والمطلوب منى ايه دلوقتى

انجى : ولا حاجه سامحينى وكلمينى عادى زى الاول

اميره : حاضر هسامحك

انجى : طب احكيلى عملتى ايه عن. الواد فى الشقه

اميره : ( حكت كل اللى حصل ) ايه انتى سرحتي من الكلام امال لو روحتى هتعملى ايه

انجى : نفسى اروح بس خايفه

اميره : احنا لازم ن**ر الخوف اللى عندك ده

بعد ما انجي خرجت من عند اميره ، اميرة اتصلت بنسمه

نسمه: ايوه ياماما

اميره: انتى فين يانسمه

نسمه : قاعده انا وساره مع طارق فى الكافيه تحت

اميره : طب تمام انا هنام وصحينى ننزل نتغدا مع بعض

نسمه : اوك ياماما .. سلام

اميره : سلام

* نروح عند طارق ونسمه وساره

طارق : ايه يانسمه فى حاجه

نسمه : لا مفيش ماما كانت بتشوفنى فين وقالتلى انها هتنام واصحيها ننزل نتغدا مع بعض

طارق : طب تمام

وهما قاعدين مع بعض تليفون طارق رن وكانت امى

طارق : ايوه ياماما

امى : انت فين

طارق : انا مع ساره ونسمه فى الكافيه

امى : طب تعال الاوضه عندى عاوزاك

طارق : طب ماينفعش شويه

امى : دلوقتى حالا تكون عندى

طارق : حاضر عشر دقايق واجيلك ... سلام

وبعد ماقفل طارق مع امى استاذن من البنات ومشى

* ملحوظه امى من النوع الشديد شويه كلمتها تتسمع من غير نقاش وماحدش ينفع يعترض على كلامها بس فى نفس الوقت طيبه جدا وحنينه

بعد ماطارق راح لامى

طارق : خير يا امى فى ايه

امى : انت مش ناوى تتلم ولا ايه

طارق : ليه يا امى انا عملت ايه

امى : مش ناوى تبطل موضوع البنات ده انت كل كام يوم مع واحده شكل

طارق : والله دى حياتى وانا حر فيها

امى : يا ابنى حرام حدعليك اللى بتعمله فى بنات الناس

طارق : ليه انا عملت انا عمرى ماقولت لواحده ان انا بحبها ولا هتجوزها كل البنات اللى اعرفها متفقين ان احنا اصحاب ولافى حب وكلام فاضى من ده

امى : يا اخى بص على اخوك الكبير واتعلم منه

طارق : انا اتعلم من مهيب ... مهيب اللى كل مايحب واحده يروح يقولها وتقوله خلينا اخوات احسن ولا الزفت الاخيره اللى ساعدها فى الدروس والمذاكره سنه كامله كان يتمنالها الرضا ترضى وهى مش بس رفضته لا وكمان اهانته .... اعذرينى يا امى بس مهيب اخويا ضعيف ومش عارف يفهم البنات اللى حواليه كلهم كلاب مالهمش غير فى المظاهر الفارغه مافهمش واحده قدرت قلبه الطيب ولا رجولته مع ان كلهم عارفينه كويس بس للاسف كلهم بتوع مظاهر ... انا بقى غير اخويا .. انا عمرى ماهحب واحده ويوم ماهتجوز هتجوز اى واحده من بنات العيله

امى : ياه كل ده جواك وانت ساكت

طارق : عادى انا هتسلى بيهم زى ماهما بيتسلو بغيرى وفاكرين نفسهم بيتسلوا بيا

امى : طب فى اى واحده عجباك فى العيله وانا اخطبهالك

طارق : ايوه فى بس انا مش هخطب دلوقتى

امى : طب مين هى

طارق : امنيه بنت خالى

امى : طب ايه رائيك اكلملك خالك

طارق : لا انا مش هخطب قبل ما ادخل جامعه واقفلى على الموضوع ده وبعد اذنك ماتكلميش حد

امى : حاضر اللى تشوفه

طارق : طب سلام دلوقتى هروح اشوف البنات اللى سايبهم تحت

امى : روح

بعد مامشى طارق ابويا خرج لامى الريسبشن

ابويا : مش قولتلك مش هيوافقك على اللى انتى بتقوليه

امى : اعمل ايه انا قلقانه عليه

ابويا : طارق مايتقلقش عليه طارق عارف هو عاوز ايه لكن اللى يتقلق عليه مهيب

امى : ماله مهيب

ابويا : طيب بزياده والموقف الاخير اكيد اثر فيه بس هو مدارى ومابيقولش

امى : انا بفكر اخطبله

ابويا : وانا كمان بس تفتكرى نخطبله مين

امى : انا بفكر فى هدير بنت اختى ايه رائيك هما متربيين مع بعض وبيكلموا بعض باستمرار وفاهمين بعض وفوق ده كله بنت اختى واحنا عارفينها وابوها يبقى ابن عمك يعنى كلنا عيله واحده وكمان متعلمه وكلها سنه وتدخل كلية طب يعنى لولا السنه اللى مهيب اجلها كان زمانهم الاتنين السنه اللى جايه فى الجامعه مع بعض هى طب وهو هندسه

ابويا : انا ماعنديش مانع بس ياريت هو يوافق

امى : سيب الموضوع ده عليا واول ما انزل البلد هكلم مهيب واقنعه واخلص الموضوع

ابويا : ماشى ياستى شوفى اللى يريحك

* نرجع عندى انا

قررت اروح الغردقه بس علشان اروح الغردقه محتاج اغير فلوس واحطها فى حساب ليا فى البنك بس انا صغير وماينفعش احط فلوس فى الفيزا اللى معايا لانها باسم ابويا وكده ابويا هيعرف باللى انا عملته جات فى دماغى سيف اتصلت بيه

انا : ازيك ياسيف

سيف : ازيك يا مهيب

انا : عايز منك خدمه

سيف : خير

انا : مش هينفع فى التليفون لازم اشوفك

سيف : انا فى البيت عدى عليا

انا : تمام ساعه واكون عندك

اخدت شاور ولبست هدومى وروحت لسيف لقيته قاعد هو وابوه سلمت عليهم وقالولى خير يا مهيب

انا : كنت عايز افتح حساب فى البنك واحط فيه مليون دولار بعد ما احولهم وانتو عارفين انا صغير والبنك هيسال جبت الفلوس دى من فين وازاى وهتبقى مشكله

ابو سيف : ولا مشكله ولا حاجه كل حاجه فى بلدك بتمشى بالفلوس ورجالتنا موجوده فى كل البنوك ولينا رجالتنا فى بنوك بره مصر

انا : طب الموضوع هيكلفنى كام

ابو سيف: الدولار النهارده 5.80 انت هتنسى ال 80 وهتاخد ال 5

انا : طب مين اللى هيخلص الموضوع

ابو سيف : مدير البنك شخصيا روح هات المليون وتعالى البيت كمان ساعه وخلصلك كل حاجه

انا : طب تمام روحت البيت جب الفلوس ورحتلهم لقيت سيف وابوه واتنين رجاله معاه طلع منهم واحد مدير البنك والتانى موظف فى البنك وخلصنا كل حاجه وادونى كارت الفيزا وقالولى بعد ساعتين الكارت هيكون شغال تقدر تفعله من اى ماكنه وتستعلم عن الرصيد هتلاقى موجود 5 مليون مصرى وبالفعل بعد ساعتين فعلت الكارت وشيكت على الحساب كله تمام روحت البيت اتغديت ونمت ساعتين وصحيت ببص فى الساعه لقيتها 4 العصر اتصلت بسواق اعرفه اتفقت معاه يوصلنى الغردقه وبالفعل وصلت قرية جولدن بيتش اللى فيها اهلى على الساعه 12 بالليل بس كنت تعبان دخلت حجزت سويت ليا ودخلت علشان انام اتصلت با ابويا ولقيته داخل ينام واخواتى الصغيرين ناموا واخويا بيتفسح بره قفلت معاه واخدت شاور بس مجاليش نوم قمت لبست وقولت انزل اتمشى فى القريه شويه وطبعا طالعين من ثوره والسياحه مضروبه فا مفيش فى القريه غير مصريين وانا بتمشى حسيت بالزهق روحت الديسكو لقيت الدنيا سداح مداح على الاخر وكلهم شباب وبنات مابين 17 ل 30 سنه قعت اتف*ج اللى بترقص واللى بيشرب واللى قاعده فى حضن واحد وانا بطبعى مابحبش اشرب خمور لانى من صغرى اسمع اللى بيشرب خمور بتتعبله الكبد وبتضره وانا بحب احافظ على صحتى وانا قاعد حسيت انى عايز ادخل الحمام قمت دخلت وانا خارج من الحمام شوفت اخويا داخل الديسكو ومعاه بنتين اخويا اصغر منى بسنتين وهو مش شايفنى قولت اروح ارخم عليه وهو قاعد منسجم معاهم روحت داخل عليه ازيك ياطروق

طارق : مهيب انت جيت امتى

انا : من ساعتين بس ابوك مايعرفش

طارق : ليه ماقولتلوش

انا : حبيت افاجئكم الصبح

طارق : على العموم حمد لله بالسلامه

انا : تسلم ..... صحيح ماعرف*نيش ياعم

طارق : معلش ماخدتش بالى دى ساره ودى نسمه بنت عمها

انا : اهلا ياساره اهلا يانسمه

نسمه وساره : اهلا يا مهيب

انا : طب اسيبكم خدوا راحتكم

طارق : ياعم خليك معانا احنا كده كده نصايه وهنمشى

انا : لا خدو راحتكم انا جاى من السفر تعبان والايام اللى فاتت مكنتش نايم كويس

طارق : ليه كده

انا : بكره هحكيلك انت معاك فلوس ولا عايز

طارق : معايا 500 جنيه

طلعت من جيبى رزمه ب 20 الف جنيه

انا : خد ياطارق خلى الفلوس دى معاك وماتقولش لابوك انى اديتك حاجه

طارق : ايه يابنى الفلوس دى كلها جبتها من فين

انا : بعدين هقولك اصرف منهم ولو احتجت حاجه تانى قولى

طارق : لا شكلها البليه لاعبه معاك لينا قعده بعدين

انا : تصبح على خير وفرصه سعيده يانسمه انتى وساره

نسمه وساره : احنا الاسعد

طارق : انت اوضتك رقمها كام

انا : سويت 512

طارق : خلاص نتقابل على الفطار

انا : تمام بس ماتقولش لحد انى جيت علشان افاجئهم

طارق : اوك انا هجيلك السويت اصحيك وننزل مع بعض

انا : اوك سلام

وسبتهم وطلعت نمت وصحيت الساعه 9 على تليفونى بيرن وكان اخويا طارق ورديت عليه

انا : ايوه ياطارق

طارق: ايه يابنى انت لسه نايم

انا : اه بس خلاص صحيت

طارق : طب افتحلى الباب انا قدام السويت

انا : طب اقفل

قمت فتحت الباب ودخل طارق

طارق : ايه يابنى انت ايه حكايتك بالظبط

انا : حكاية ايه ياعم

طارق : الفلوس اللى ادتهانى امبارح والسويت اللى انت قاعد فيه جبت ده كله من فين

انا : ياعم مش وقت الكلام ده انا جعان هدخل اخد شور واغير وننزل نفطر وبعدين نحكى

طارق : ماشى

نزلنا انا وطارق وقابلنا ابويا وامى واخواتى وسلمت عليهم

ابويا : انت جيت امتى

انا : امبارح بالليل لما كلمتك كنت لسه واصل

ابويا : طب ماقولتش ليه انك هنا

انا : كنت جاى تعبان وعايز انام

ابويا : طب تمام

المهم فطرنا وبعد الفطار قولت لابويا انا عايزك فى موضوع

ابويا : خير

انا : لا تعالى نطلع الاوضه ونتكلم فوق

طلعنا انا وابويا وفهمت ابويا ان انا اتوسطت لواحد صاحبى كانو لقيو اثار فى بيتهم وبعتهالهم انا ومحمد ابن عمى عن طريق سيف واخدنا انا ومحمد كل واحد 10 مليون دولار وطبعا انا كنت مظبط الكلام ده مع محمد وسيف علشان مايبقاش فى تضارب فى الاقوال ... ابويا فى الاول اتخض واتعصب لانه كان خايف يتقبض عليا بس طمنته وعدى الموقف وكلم محمد واستفسر منه وبعدين سبت ابويا ونزلت اتصلت على اخويا اشوفه فين لقيته قاعد مع نسمه وساره وقالى تعالى وروحتلهم

انا : اهلا يا جماعه

طارق ونسمه وساره فى نفس واحد : ازيك يا مهيب

انا : تمام بس مخنوق وحاسس بملل شويه

نسمه : هو انت لحقت ياعم ده انت واصل بالليل

انا : معلش بقى ... صحيح انا ماتعرفتش عليكم كويس امبارح

نسمه : مافيش مشكله ياسيدى انا نسمه 2 ثانوى السنه دى ودى ساره بنت عمى اولى ثانوى من القاهره جايين مع مامتى ومامة ساره نتفسح يومين قبل الدراسه ماتبداء

انا : طب باباكى وبابا نسمه فين

نسمه : بابا بيشتغل دكتور قلب ومشغول مابين المستشفى والجامعه والعياده وماقدرش يجى معانا وعمو بابا ساره بيشتغل مهندس بترول بره مصر واجازاته قليله علشان كده احنا لوحدنا

انا : على العموم ياستى تشرفنا بيكم انا مهيب 3 ثانوى السنه دى

نسمه : عملت ايه فى النتيجه

انا : جبت 96 %

نسمه : انت علمى ولا ادبى

انا: علمى رياضه

نسمه : مجموعك حلو جدا

انا : شكرا ياستى ... وانتى علمى ولا ايه

نسمه : انا علمى علوم

انا : يعنى ناويه على طب

نسمه : ايوه بابا م**م على الموضوع ده مع انى كنت عايزه ادخل اعلام لانى نفسى ابقى مذيعه

انا : ياترى شاطره ولا نص ونص

نسمه : عيب عليك ده انا دحيحه المدرسه وكل سنه بطلع الاولى على المدرسه

انا : وانتى ياساره

ساره : انا ناويه على علمى رياضه بس مش عايزه هندسه عايزه فنون جميله لانى بحب الرسم

انا : يلا ربنا معاكم .... اسيبكم دلوقتى

طارق : رايح فين

انا : مافيش بس هروح الجيم شويه اتمرن

طارق : طب تمام

نسمه : باين عليك رياضى جدا وبتحافظ على جسمك

طارق ضحك بصوت عالى شويه وقال جدا جدا

نسمه : ايه فى ايه

انا : اصلى كنت تخين

نسمه : عادى ماكلنا بنتخن ونخس بس ايه لازمة الضحك

انا : اصلى كنت تخين بغباء

نسمه : ماتهزرش

انا : بصى الصوره دى

نسمه : صورة مين دى

انا : دى صورتى انا

نسمه : لا مستحيل

انا : لا دى صورتى ومن 3 شهور بس

نسمه : طب ازاى

انا : عادى شوية اراده يلا اسيبكم ونتقابل شويه ايه رائيكم نخرج بعد الغدا

ساره: نروح فين

انا : نروح سينما ونلف فى المول ونتعشى بره ونسهر سهره حلوه

ساره : انا موافقه

نسمه : وانا كمان موافقه

طارق : خلاص تمام نخرج الساعه 4 ندخل السينما وبعد كده نعمل اللى احنا عايزينه

انا : ظبطوا مع بعض وقولولى يلا سلام

سبت اخويا ودخلت الجيم اتمرنت شويه وانا بتمرن تليفونى رن كانت امى

امى : انت فين

انا : فى الجيم

امى : تعلالى دلوقتى

انا : طب شويه اخلص تمرين واجيلك

امى : انا بقولك عشر دقايق والاقيك قدامى

انا : فى ايه

امى : اخلص تعالى وقفلت السكه فى وشى

انا استغربت ايه فيه خرجت من الجيم وروحت لامى بسرعه الاوضه

انا : خير يا امى

امى بغضب : ايه الكلام الى بيقوله ابوك

انا : كلام ايه

امى : الشغل اللى انت عملته والاثار انت خلاص بقيت مستبيع وماحدش هامك طب انت مش هماك نفسك خاف عليا انا وابوك لو كان حصلك حاجه كنا هنعيش بقهرتنا عليك يعنى قولى لو كانو قتلوك كنت انا وابوك نموت وراك

انا : خلاص يا امى عدت على خير

امى : اوعدنى انك تاخد بالك من نفسك وماتعملش الموضوع ده تانى انت خلاص عملت اللى انت عايزه وعملت اللى هيريحك انت واولادك واحفادك يبقى نقفل على الموضوع وابن عمك انا هديه بالجزمه اول مارجع

انا : ماشى يا امى ونزلت بوست ايديها لانى وقتها شوفت فى عنيها خوف عليا ماشوفتهوش فى عين حد

انا : طب هسيبك اروح اخد شاور ونتقابل على الغدا

امى : ماشى يا مهيب روح

سبتها ومشيت وفجاه تليفونى رن كان ابن عمى

انا : ازيك يامحمد

محمد : قول لامك شكرا على الواجب اللى وصل

انا : واجب ايه مش فاهم

محمد : انا امى تض*بنى بالشبشب بعد العمر ده كله دى عمرها لا هى ولا ابويا رفعوا حتى صوتهم عليا

انا : ههههههه طب ابوك عملك ايه

محمد : ماتفكرنيش بالندل التانى ده كمان

انا : ليه كده بس

محمد : مارديش يحجز بينا غير لما قولتله انى هنصص معاه الفلوس

انا : هههههههه اصيل ياعمى

محمد : منك لله يا اخى

انا : يعنى بعد الفلوس اللى مديهالك بتدعى عليا

محمد : اصلك ماشوفتش امى وهى بتجرى ورايا بالشبشب وابويا واقف يتف*ج واختى بتضحك علينا واعمل حسابك امى مستحلفالك اول ماتشوفك

انا : ههههههه وانا كمان امى مستحلفالك

محمد : ياعم انا هاخد فلوسى واسيب البلد لو فيها شبشب تانى انا كده كرامتى ضاعت

انا : صحيح اختك عملت معاك ايه

محمد : ماتفكرنيش بالبت المصلحجيه دى

انا : ليه كده

محمد : ياعم بعد الخناقه ماخلصت دخلت عليا الاوضه

* الحوار بين محمد واخته فاتن

فاتن : حماده حبيبى ازيك

محمد : عايزه ايه ياواطيه

فاتن : انا واطيه ده انا جايه اتطمن عليك

محمد : اه باماره انك كنتى واقفه بتضحكى وانا باخد بالشبشب بره

فاتن : معليش ياميدو بقى اصل كان شكلك يضحك بصراحه وانت بتجرى وبتقول خلاص ياماما مش هعمل كده تانى كانك عيل صغير عاملها على روحه وامه بتض*به

محمد : هو انا كان شكلى يضحك اوووى كده

فاتن : خد ياعم اتف*ج على الفيديو ده واحكم بنفسك

محمد : ورينى ....... هههههههه هو انا كان شكلى كده ده انا بالشكل ده اخلى ابو الهول يضحك

فاتن : علشان تعذرنى ياميدو

محمد : انتى ايه حكايتك يابت داخله تطمنى عليا ومره ميدو ومره حماده انا مش مرتاحلك يابت

فاتن : لا ازعل كده ده احنا مالناش غير بعض انا وانت ولا انت ليك اخوات غيرى

محمد : اه ليا مهيب برقبتكم

فاتن : ماتجبليش سيرة مهيب علشان انا اصلا متغاظه منه

محمد : ايه هتعملى زى امك

فاتن : ياعم ده بنى ادم بارد ومابيحسش

محمد : ليه يابت فى ايه

فاتن : ياعنى مش عارف ده انا سرى كله معاك

محمد : ياستى بكره يحس بيكى

فاتن : يحس ازاى ده انا كل شويه اكلمه واطمن عليه من ايام ماكان عامل زى الجاموسه وهو مافيش على ل**نه غير كلمه انتى اختى ... اخت مين الهى ينشك فى اخته وماكدبش عليك الواد بقى مز والبركه فيك ودلوقتى معاه فلوس ماتتعدش يعنى يبقى كويس لو ماعتبرنيش امه وعيطت

محمد : للدرجه دى بتحبيه

فاتن بعياط كتير : انت عارفنى كويس ماعرفش رجاله غيرك انت وابوك و مهيب وشوية العيال الهبل بتوع العيله وانا عايزه راجل شبهك كده حنين عليا وبيحبنى وعمرك مازعلتنى ولا قسيت عليا ولا عمرى خوفت وانا معاك الناس كلها بتقول ان سر البنت مع امها وانا امك ماتعرفش عنى حاجه سرى كله معاك ومن علاقتى ب مهيب شوفت فيه الراجل اللى بجد الحنين اللى عمره ما**ر كلمة ابوه وحنين على امه واخواته وبيحب ابوك وبيحترمه ومش بيقول لامك غير يا امى مش مرات عمى

راجل بجد انا مش عايزه جو الافلام والفسح والدلع انا عايزه راجل ماخافش وانا معاه يبقى بيحبنى ويحب اهلى ومايبقاش فى مشاكل تخيل كده يبقى جوزى بيحب ابويا وامى ومصاحب اخويا الواحده عايزه ايه اكتر من كده

محمد : ياه كل ده فى الحلوف اللى انا مصاحبه وهو مش حاسس

فاتن بضحكه : لا ماتقولش عليه حلوف لو سمحت

محمد : اهلا فينك ياعم مهيب تشوف ده كله

فاتن : تقول ايه ماهو حلوف مابيحسش

محمد : هههههههه يلا سيبك منه

فاتن : سيبها للظروف

محمد : المهم انتى كنتى داخلالى عايزه ايه

فاتن : داخله اقلبك

محمد : يعجبنى فيكى صراحتك

فاتن : يعنى الف وادور واقول داخله اطمن عليك ونرغى رغى مالهوش لازمه وفى الاخر اقولك انى عايزه لاب توب وموبايل جديد وشوية هدوم جديده .... انا بجيبهالك من الاخر

محمد : ههههه تصدقى انك مصلحجيه

فاتن : المصالح تتصالح

محمد : ماشى ياستى بكره هاخدك وننزل الاقصر واشتريك كل اللى انتى عايزاه

فاتن : حبيبى ياخويا يرافع راسى

* نرجع عندى انا ومحمد

محمد : دى ياعم عايزانى اشتيرلها هدوم جديده وموبايل جديد ولابتوب

انا : ياعم اصرف شويه انت يادوب اخت واحده اللى معاك مش جيش زى عندى

محمد : ماشى ياعم هصرف

انا : المهم شيلت الفلوس اللى فبيت جدى

محمد : اه اخدت الاربعين مليون وسبت التسعه زى ماقولتلى وشلتهم معايا

انا : طب كويس يلا سلام

محمد : سلام

دخلت اخدت شاور ولسه هنام الباب خبط قمت فتحت لقيته اخويا طارق

انا : ادخل ياطارق

طارق : ايه الكلام اللى انا سمعته ده

انا : اهدى ياطارق كل اللى سمعته صحيح

طارق : علشان كده عمال تبعزق فى فلوس وانا اقول الفلوس دى جبتها من فين ربنا يسهلك ياعم

انا : طارق الفلوس اللى معايا دى مش بتاعتى لوحدى

طارق : امال بتاعة مين

انا : انت واخواتك ليكم فيها زيى واكتر منى كمان

طارق : اصيل يا ابو رحاب على العموم اسيبك ترتاح علشان الخروجه اللى بعد الغدا

انا : صحيح بالمناسبه انت عرفت البنات دى ازاى

طارق : قابلتهم هنا واتعرفنا على بعض

انا : طب تمام

طارق : اسيبك انا يلا سلام

وبعد طارق مامشى نمت شويه ونزلت اتغديت وخرجنا اتفسحنا واشترينا كل حاجه وسبتهم فى الكافيه شويه وخرجت اشتريت حاجات خاصه وهديا للناس فى البلد

ورجعتلهم الكافيه تانى

نسمه : ليه اتاخرت كده

انا : معلش اصلى اشتريت شوية هدايا لصحابى فى البلد علشان ماشى الفجر

طارق : ليه كده

انا : معايا دروس وانا بقالى عشر ايام ماحضرتش بسبب العك اللى كان معايا

طارق : ياعم ماجتش من يومين

انا : لا لازم امشى اسماء كلمتنى وقالتلى المدرسين خاربين الدنيا عليا وانا كنت مستاذن اسبوع واحد دلوقتى بقالى عشر ايام

طارق : ماشى ياعم براحتك

نسمه : يعنى خلاص مش هنشوفك تانى

انا : لا ازاى احنا معانا ارقام وايميلات بعض هنتكلم وشويه كده قدام هاجى انا وطارق القاهره عند خالى

نسمه : هو انت عندك خال عايش فى القاهره

طارق : اه خالنا عايش فى المقطم

ساره : واحنا كمان عايشين فى المقطم

انا : طب كويس يبقى نتقابل هناك

خلصنا قعدتنا واتعشينا ومشينا وانا رجعت الاقصر بعبد الفجر و وصلت البيت الساعه 10 الصبح واول ماوصلت اخدت شاور اعملتلى كوباية قهوه وطلعت البلكونه وانا واقف بشرب القهوه لقيت ياسمين

ياسمين : ازيك ي مهيب

انا : تمام كويس

ياسمين : ليه اتاخرت فى الغردقه ده المدرسين كلهم سالو عليك وكل مانتصل بيك تليفونك مقفول

انا : معلش اصلى كنت محتاح افضى دماغى قبل الدراسه علشان كده قفلت التليفون

ياسمين : يلا مش مشكله اهم حاجه انت كويس بس هتعمل ايه فى الدروس اللى فاتتك

انا : انا كلمت مصطفى صاحبى وهو مجهزلى الورق وهيشرحلى اللى فاتنى

ياسمين : طب تمام ولو احتجت حاجه قولى

انا : الف شكر ياستى شايلك للكبيره

ياسمين : هتيجى معايا الدرس النهارده

انا : ايوه

ياسمين : خلاص هتصل بيك وانا خارجه

انا : لا ماتتصليش لانك هتلاقى موبايلى مقفول خبطى على الباب

ياسمين: ماشى يا مهيب

انا : طب اسيبك دلوقتى لانى هموت وانام

ياسمين : طب ادخل ارتاح

انا : سلام

* بعد ما ياسمين سابتنى دخلت تكلم اسماء

ياسمين : ازيك ياسمسم

اسماء : تمام يا ياسمين

ياسمين مهيب رجع

اسماء : طب تمام قالك حاجه

ياسمين : من ساعة ما رجع واحنا قاعدين مع بعض بنرغى

اسماء : انتى مش ملاحظه حاجه

ياسمين : حاجة ايه

اسماء : مهيب من بعد مارجع ولا عاتبك ولاخا**ك ولا اى حاجه ده حتى بيتعامل معاكى ولا كأن فى حاجه حصلت بينكم

ياسمين : علشان هو بيحبنى ومايقدرش يزعلنى مهما عملت فيه

اسماء : يبقى ماتعرفيش مهيب ... مهيب انا عرفاه بقالى سنين مهيب مابيسامحش بالساهل وخصوصا لو حد جيه على كرامته انا شوفت كذا واحد هانوا مهيب اقل رد فعل عمله مهيب انخ ماكانش يرد عليه السلام ده غير اللى ف*ج عليه المدرسه والشارع وغير كده كتير

ياسمين : دول كلهم مفيهمش واحده مهيب حبها

اسماء : ماعرفش بقى

ياسمين : بكره تشوفى مش هتعدى السنه دى الا مانكون مخطوبين

اسماء : طب هتعملى ايه فى حسين

ياسمين: سبنا بعض

اسماء: امتى وازاى

ياسمين: من اسبوع كنا بنتكلم واتخانقنا ومن بعدها ماتكلمناش تانى

اسماء : يبقى هو ماحبكيش اصلا لانه ماصدق وسابك

ياسمين : سيبك منه سلام دلوقتى ونتقابل شويه فى الدرس

اسماء : سلام

عدى الوقت وجات الساعه 3.30 قمت غيرت هدومى والباب خبط كانت ياسمين فتحتلها

ياسمين: ايه يا مهيب يلا الدرس

انا : طب ثوانى هجيب حاجه من جوه

سبتها ودخلت جبت الكتب وبو** هدايا وخرجتلها

ياسمين : ايه البو** ده

انا : لا ولا حاجه بعدين هتعرفى

ياسمين : ماشى يلا بينا

اخدت ياسمين فى العربيه وروحنا الدرس ومنه شافت ياسمين نازله من العربيه حستها اتضايقت حتى لما سلمت عليها ردت عليا من تحت الدرس سبت البنات ووقفت مع الشباب شويه ودخلنا الدرس وكان المدرس ده اكتر مدرس بحبه

المستر : ايه ده كله يا مهيب بتصيف

انا : معلش يامستر مش هتتكرر بس حبيت اريح دماغى شويه قبل الدراسه ماتبداء وانت عارف انى فى الدراسه مش بغيب

المستر : عارف انك مش بتغيب ولو غبت بتعوض بس انا عايزك تحافظ على مجموعك ... ثم انى رنيت عليك تليفونك مقفول باستمرار

انا : معلش انا نسيت موبايلى هنا فى البيت قبل ما اسافر

المستر : ماشى يا مهيب

انا : طلعت ساعه هديه من شنطتى كنت جايبها للمستر وهو المستر الوحيد اللى جبتله هديه الساعه تمنها 3000 جنيه

اتفضل يامستر الهديه دى

المستر : ايه دى ي مهيب

انا : دى هديه من ليك

المستر : ورينى ياعم .... ايه الساعه الجميله دى بس دى غاليه جدا

انا : عارف يامستر انك بتحب الساعات ومافيش حاجه تغلا عليك

المستر : ماشى يابكاش يلا نبدا الدرس

المهم خلصنا الدرس واحنا خارجين قصدت اخرج اول واحد واستنى منه وبعد ماخرجو ندهت على منه

منه : عايز ايه يا مهيب

انا : كل سنه وانتى طيبه

منه : بس انا عيد ميلادى لسه بكره

انا : عارف بس حبيت اقولك اول واحد

منه : شكرا

انا : ايه شكرا دى انتى زعلانه منى

منه : وانا هزعل منك ليه

انا : طب استنى .... وفتحت شنطة العربيه وخرجت بو** الهدايا وكنت جايبلها تليفون جديد وعلبة ميك اب وبرفان ومجموعة شوكولاته فى علبه .... اتفضلى هديه عيد ميلادك وانا بديها البو** ياسمين كانت واقفه وعينها بتطلع نار

منه بفرحه : ايه العلبه دى كلها

انا : افتحيها فى البيت وشوفى

منه : اوعى تكون قنبله

انا : ابقى افتحيها وقوليلى رائيك

منه : كفايه انك افتكرت عيد ميلادى اصلا

انا : عيب عليكى ودى حاجه تتنسى على العموم هستنى رائيك

منه : طب سلام واول ماهفتحها هكلمك

انا : سلام ..... واخدت عربيتى ومشيت بس ماروحتش طلعت على النيل فى حته هاديه بحب اقعد فيها افكر وافضى دماغى

* الحوار بينى وبين نفسى

نفسى : مالك

انا : مخنوق مش عارف ليه

نفسى : انت عايز ايه تانى

انا : مش عارف

نفسى : دلوقتى انت معاك فلوس كتير جدا ولسه فى بداية شبابك ومنه بتحبك اتقدملها واتجوزها

انا : بس انا مش حاسس غير ان منه زى اختى مش اكتر

نفسى : اوعى تقولى انك بتحب ياسمين

انا : لا طبعا تصدق انا اكتشفت انى ماحبتهاش انا لما زعلت زعلت من الاهانه مش منها هى وبدليل انى ماعتبتهاش ولا فكرت فيها اصلا

نفسى : امال بتحب مين

انا : لو قولتلك هتضحك عليا

نفسى : قولي بس مين

انا : بحب فاتن

نفسى : فاتن مين ..... اوعى تكون فاتن بنت عمك

انا : ايوه بس بحس انها بتعاملنى زى اخوها محمد وعلاقتى بمحمد تمنعنى انى اكلمها فى حاجه زى دى او اكلمه لانها لو رفضتنى علاقتى بمحمد هتتاثر

نفسى : تتأثر ازاى

انا : اصلها لو رفضت مش هقدر اروح البيت عندهم زى الاول ده انا ساعات كتير ببات عندهم ده غير ان محمد كان مامنى على بيته واخته يقول عليا ايه خونت الامانه وبصيت لاخته صعب

نفسى : هى مشكله صح ... بس احنا ممكن نعمل خطه نخلى بيها فاتن تحبك ومايبقاش فى رفض ولا علاقه تبوظ

انا : خطة ايه اللى اعملها على بنت عمى انت حيوان

نفسى : هو انا بقولك نعمل خطه تغلط معاها ياغبى انا بقول خليها تحبك وتتجوزها

انا : سيبك من الموضوع ده دلوقتى فى موضوع مهم شاغلنى

نفسى : موضوع ايه اللى شاغلك انت

_______________

ياترى ايه الموضوع اللى شاغلنى ده اللى هنعرفه الحلقة الجاية