#IHaveALover
CHAPTER 67
Nakaupo sa kanyang swivel chair si Theo. Patingin-tingin kay Ronnie na nakaupo rin sa swivel chair nito. Mababanaag sa kanyang mukha ang matinding pagtataka.
“Ano kayang nangyari sa kanya?” bulong na tanong ni Theo sa sarili.
Titingin, iiwas, titingin, iiwas. Paulit-ulit na ginawa iyon ni Theo kay Ronnie. Paano naman kasi, simula ng bumalik ito sa opisina kanina at naupo sa swivel chair nito ay nakatulala na at parang ang lalim ng iniisip. Nagtataka tuloy siya at hindi maiwasang isipin na baka may nangyari kanina sa paglabas nito ng hindi niya alam.
“Baka naman na-engkanto.” Bulong pa na sabi ni Theo. “Luh... Naisip mo pa talaga iyon Theo.” Humagikgik pa ito dahil sa sinabing kalokohan. Kung ano-anong naiisip niya. Kunsabagay, ganun naman tal
