#IHaveALover
CHAPTER 23
Nasa loob ng mall ngayon si Primo, patingin-tingin sa paligid habang naglalakad. Mag-isa lamang siya ngayon at mabuti na rin iyon para matahimik kahit papaano ang buhay niya.
Hindi niya mapigilang mapangiti, paano naman kasi ay napapatingin sa kanya ang mga kababaihang nadadaanan niya at animo’y mga kiti-kiting kinikilig tapos magbubulungan na parang mga bubuyog. Ang iba ay magkakatabing nakaupo sa bench tapos biglang magpapapalo sa balikat ng isa’t-isa para ilabas ang kilig na nararamdaman.
May iba naman na bading at ganun din ang reaksyon sa tuwing makikita siya, kinikilig lalo na sa ngiti niyang makalaglag panty. May mangilan-ngilan ring lalaki na sa loob-loob ay paminta pala. Hindi naman inilalabas ang kilig pero halatang gusto siya dahil sa k
