"KHAIRA…I want you back." Nagsalubong ang mga mata nina Peter at Khaira. Nakikita niya ang pagkunot ng noo nito na para bang sinisigurado ang narinig. Kahit naman siya, hindi niya inaasahan ang lalabas sa bibig. Simula nang muli makita ang babae ay nagkaroon na rin yata ng sariling isip ang katawan at ngayon pati ang bibig.
Bumuka ang bibig nito ngunit walang lumabas na salita. Nanatili lang ang tingin sa kanya. Habang siya ay hindi malaman kung uulitin ba ang sinabi. Dahil hindi niya rin alam kung tama bang hilingin niya 'yon.
Hanggang sa muling bumalik ang mga kasama nila. Kaya naman sabay nilang iniwas ang tingin sa isa't isa.
"Ang lagkit ng tinginan, ah," bulong sa kanya ni Arsen na bakas ang panunudyo sa boses. Nang samaan niya ito ng tingin ay tatawa-tawa lang itong naupo muli sa
