AKO PA RIN ANG UMAALAY KAY LEON PAPASOK SA SASAKYAN. Sa backseat kami ng Fortuner habang si Joy naman ay umupo sa harap, katabi ni Mang Kanor.
“Kumusta po, Mang Kanor?” nakangiting tanong ko nang makasakay na kami at paandarin na niya ang sasakyan.
“Heto, Ma’am, ayos lang po,” sagot naman niya. “Kayo po, kumusta kayo?” pagbabalik naman niya ng tanong.
“Okay lang po kami,” sagot ko naman. “Naku, Mang Kanor, pasensiya na po kayo kung naabala pa namin kayo, ha? Ayaw ko na kasing mag-drive,” dagdag ko pa.
“Wala pong problema, Ma’am, sa katunayan ay wala na nga akong ginagawa sa mansiyon kaya lagi akong naiinip. Hindi naman kasi laging umaalis si Ma’am Salve. Ibang driver po dapat ang ipapadala niya rito pero nakiusap ako na kung puwedeng ako na lang,” sagot at pagkukwento pa niya.
“Salama
