ALAS SEIS NG GABI PERO ABALA PA RIN SI LEON SA TRABAHO. Medyo naiinip na nga ako pero ayaw ko naman siyang iwan dito.
“Ihatid na muna kaya kita? I don’t want you to stay here late, love. Baka naiinip ka na,” marahan ang boses na saad niya, ngumiti naman ako at mabilis na umiling.
“Leon, okay lang. Wala na nga akong ginagawa na kahit na ano, at ito na lang ang maitutulong ko sa ‘yo, ang samahan ka,” sagot ko naman.
“Damn, I just really found myself a perfect girlfriend. I’m so lucky!” saad niya kaya natawa ako.
“At kesa naman mambola ka pa riyan, tapusin mo na ang kailangan mong tapusin!” sagot ko naman na ikinatawa niya.
“Medyo marami pa ito, at baka nag-aalala na sina Tita’t Tito sa ‘yo,” may pag-aalalang saad niya.
Natuwa ako nang sabihin niya iyon kasi halata na nirerespeto niya s
