Sumama ako kay Nana Ising na mamalengke sa bayan para sa buong linggong supply. Namamalengke kasi siya tuwing Linggo, kasama si Kuya Kino pero ngayon dahil wala naman akong gagawin ay sumama ako sa kanila.
Pagdating sa palengke ay agad na nagtungo si Nana sa suki na niyang magtitinda habang ako naman ay nagtungo sa isdaan. Parang may na-miss kasi akong kainin.
"Manang magkano po rito?" tanong ko habang itinuturo ang isang uri ng isda.
"380 na lang," sagot sa akin ng tindera.
"Wala na pong bawas?"
"Sige 740 na lang dalawang kilo," sagot nito na bahagya kong ikinatanga.
Binigyan lang niya ako ng presyo ng dalawang kilo, wala naman siyang binawas.
"Manang marunong po akong mag-math."
"Bakit kasi tumatawad ka pa? Mura na nga iyan, saka mayaman naman ang tatay mo. Kahit sampong kilo k
