ELLY
Mariin muna akong pumikit bago kumuha ng sapat na lakas ng loob kumatok sa pintuan ng condo unit ni Sir Lawrence. Inabot ako ng twenty minutes bago makarating mismo rito sa pintuan ng condo niya. Buti na lamang at nakapagtanong ako sa front desk kaya kahit mataas ang kinaruruunan ng unit ni Sir Lawrence ay hindi naman ako masyadong nahirapan hanapin ito.
Nang handa na ako ay agad na akong kumatok sa pintuan, pero tila ba walang tao dahil ilang katok na ang nagagawa ko ay wala pa ring nagbubukas. Nang matanaw ko ang maliit na button sa gilid ng pinto ay naisipan kong pindutin iyon dahil mukha itong door bell sa loob.
At tama nga ako, doorbell ang isang iyon. Wala pang dalawang pindot ay bumukas na ang pintuan at tumambad sa akin ang isang lalake. Matangkad, matipuno, at masasabi kon
