Chapter 9
Sinamahan muna ni Leon si Mami sa ospital para magamot at mabendahan ang pilay nito. Tinignan sa x-ray ang buto ni Mami sa bandang paa at wala naman daw seryosong natamo si Mami. Buti na lang talaga.
Matapos nila sa ospital ay nagtungo na sila sa Police station para magbigay si Mami ng statement. May mga iilang tinanong lang naman ang mga ito sa kanya at naibigay na rin naman niya ang sagot niya sa mga ito. Kagaya nang kung bakit siya naroon sa grocery store, bakit niya ginawang alay ang sarili niya, at kung naalala raw ba niya ang itsura ng suspek. Matapos no'n ay umuwi na rin sila. Kasama pa rin ni Mami si Leon at ipinag-drive siya nito gamit ang kotse nito. Nahihiya man, pero mas okay na kay Mami na may masasakyan siya dahil mahirap ang mag-commute ngayon dahil sa sitwasyon
