Chapter 15
Isang umaga, habang nag-aalmusal sina Sir Axel at Dave ay tinawag bigla ni Dave si Zara.
"Ara, may gagawin ka ba mamaya?" Tanong pa nito.
"Mamaya? Mayroon," mabilis na tugon naman kaagad niya.
"Saka mo na lang gawin. Samahan mo 'ko mamaya sa mall sa may Bayan," hirit pa ni Dave sa kanya.
Napatingin naman kaagad si Zara sa amo niya. Natataranta talaga siya kapag bumubuka ang bibig nitong si Dave at narito pa sa harap nila ang amo.
"Naku, hindi pwede eh. Pasensya ka na," tanggi naman kaagad ni Zara bago pa man magkomento ang amo niya.
"Sumama ka na. May ipag-u-utos din akong ipabili sa'yo eh," pagsang-ayon naman ni Sir Axel.
Nanglaki na naman ang mga mata ni Zara. Nakita pa niyang kay Dave naman ito nakatitig habang nagsasalita kaya hindi tuloy niya alam kung siya ba talag
