MINABUTI ni Michelle ang magising ng mas maaga kinabukasan sa kagustuhang makaalis agad papuntang ospital. Hangga’t maaari kasi ay gusto niyang iwasan si Ace. Ang nangyari sa kanila kagabi ang kanyang first kiss, at kahit siya hindi makapaniwalang nagawa niyang tugunin sa isang bihasang paraan ang mga halik sa kanya ng binata.
Wala sa plano niya ang mag-agahan kaya lumabas siya ng kusina para magkape. Pero kamuntik na siyang mapatili nang mabungaran doon si Ace na abala sa paghahanda ng almusal.
“Good morning” ang ngiting-ngiti pang bati nito sa kanya saka itinuro ang silya, wala sa loob naman siyang napaupo. “mabuti nalang pala at hindi ako nakatulog ng maayos kaya maaga akong bumangon” anitong sinalinan ng kape ang kanyang tasa saka na naupo sa kabisera.
Pirming nakatuon sa tasa ng k
