Kahit hindi man sabihin. Kahit walang nais na bumanggit, magtanong o ’di kaya ay mag-usisa, dama ng lahat na may malaking nawala sa loob ng Valiad mansion. Mula sa may pinakamababang katungkulan, hanggang sa may pinakamataas na responsibilidad ay ramdam iyon. Hindi rin natapos sa loob ng Valiad mansion ang nangyari — dahil kung tahimik sa loob, ay iyon namang ingay sa labas ng lahat na nakakakilala sa young mistress ng Valiad family. Lalo na ang lumabas na balitang sumama ito sa ibang lalaki.
“Hijo, ma-may nais lang kaming sabihin ng Tita Silvia mo.” Magkasama ngayon sina Zader, Damian, Silvia at Erish sa hapagkainan para sa kanilang agahan.
“Za-Zader hijo, alam kong umabot na sa ’yo kung ano ang nangyari sa S furniture. I didn't mean for it to happen. Ngunit hindi ko na talaga alam kung
