Past
Kori's Point of View
Nagising ako dahil sa isang mahinang pag-alog sa aking katawan. Unti-unti kong iminulat ang aking mga mata at bumungad sa akin ang naka-ngiti na si Sister Kara at Sister Jai.
"Magandang umaga sa iyo, iha,"bati ni Sister Jai at umupo sa bandang paa ko. Unti-unti akong bumangon mula sa pagkakahiga habang kinu-kusot ang aking mga mata.
"Magandang umaga rin po sa inyo,"bati ko pabalik.
Ano kaya ang mayro'n ngayon at ginising ako nila Sisters? Ilang taon na rin ang nakaka-lipas simula noong huling ginising nila ako na magkasabay. Naalala ko tuloy ang panahon noong bata pa ako.
"May nangyari po ba at naririto kayo?" Tanong ko sa kanila.
"Wala naman iha,"tugon ni Sister Kara at hinawi ang kurtina na nakatakip sa aking bintana, "Gusto ka lang namin gisingin ni Sis
