Past
Unti-unti kong dinilat ang aking mga mata at bumangon sa pagkaka-higa. Halos ngumiwi naman ang aking mukha nang maramdaman ko ang sakit mula sa aking katawan. Ano ba ang nangyari sa akin? Inilibot ko ang aking paningin at nakita ang napakalaking kwarto na sa tingin ko ay kasing laki ng apat na kwarto na pinagsamasama sa aming simbahan. Ngayon ko lang nasubukan matulog sa ganitong silid at napaka-lambot din ng kama. Ang bango rin ng tela ng mga nasa unan. Kulay rosas ang pintura ng silid at ganoon din ang ibang mga gamit dito. Puti at rosas lamang ang kulay na makikita mo pwera na lang sa mga ilang halaman na sa tingin ko ay ginawang disenyo.
Umusog ako nang kaunti sa higaan at kinuha ang isang magandang tsinelas sa sahig atsaka sinuot ito. Napakalambot at napaka-komportable naman n
