HALOS magkakalahating oras nang naglalakad sa gilid ng kalsada si Enara. Ngunit kagaya kanina ay wala pa rin itong makuhang taxi na maghahatid dito papunta sa bahay ng kaibigan nito. Hindi rin sumasagot sa tawag nito ang kapatid nitong si Cohen. Napapabuntong-hininga na lamang ang dalaga na umupo sa gilid ng kalsada habang naiinis na pinapagpagan ang suot nitong high waist short at ang legs nitong napuno na ng alikabok. Halos mangiyak-ngiyak na rin ito sa pagsisisi kung bakit hindi na lamang ito nakinig sa sinabi ng matandang Ben kanina.
“Please, pick up your phone kuya!” usal nito habang nasa tapat ng tainga nito ang cellphone.
“Ano miss?”
Anang isang tinig na nagmula sa likuran ni Enara. Halos mapatalon pa sa kaba at takot ang dalaga nang pagkalingon nito ay nakita roon ang lalaking
