HALOS LUMIPAS na ang trenta minutos mula no’ng makabalik sina Hada at Cohen sa Mueble Empresa ngunit ang dalaga ay nakatulala pa rin sa kawalan habang nakaupo sa kaniyang puwesto. Mayamaya’y napapangiti pang mag-isa na siyang ipinagtataka ng iba niyang katrabaho na nakakakita sa kaniya. Nagkalat na rin sa ibabaw ng lamesa niya ang petals ng bulaklak na kinuha niya mula sa maliit na vase na nasa gilid ng kaniyang lamesa.
“Okay ka lang ba, Hada?” takang tanong sa kaniya ni Sheena nang makalapit ito sa kaniyang lamesa.
Sa halip na sagutin niya ang babae, isang mabilis at sunod-sunod na tango ang ibinigay niyang sagot dito at sinamahan pa ng matamis na ngiti pagkuwa’y itinaboy ito palayo sa kaniyang lamesa.
“He likes me! He likes me not! He likes me! He likes me not!” muli at paulit-ulit na
