NAGISING si Hada kinabukasan dahil sa ingay na nagmumula sa ibaba ng kanilang bahay. Hindi niya alam kung ano ang mayroon doon at bakit ang ingay naman ata. Inaatok man ay pinilit na niyang umupo sa kaniyang kama bago nilingon ang maliit na orasan na nasa ibabaw ng kaniyang bedside table. Alas dyes na pala ng umaga? Ang akala niya maaga pa. Ang tagal niya palang nagising ngayon. Paano, mag bubukangliwayway na rin kanina nang dalawin siya ng kaniyang antok. Mayamaya ay bumangon siya sa kaniyang higaan. Ipinusod niya ang magulo niyang buhok. Inayos ang gusot na terno at kulay pink niyang pantulog na may design pang Spongebob. Matapos ayusin ang kaniyang higaan ay pumasok siya sa loob ng kaniyang banyo upang maghilamos at magsipilyo bago lumabas ng kaniyang kuwarto at bumaba sa sala. Naroon s
