MALULUTONG na tawa ang namayani sa loob ng apat na sulok ng kuwartong iyon. Hawak-hawak ni Hada ang kaniyang tiyan habang patuloy pa rin siyang tumatawa ng malakas.
“Why are you laughing? Nakakatawa ba talaga ang ginawa ko?” tanong ni Cohen sa dalaga habang magkaharap silang nakaupo sa mahabang lamesa. Pinipigilan din nito ang sarili na hindi matawa. Dahil sa totoo lang nakakahawa rin naman ang tawa ni Hada.
“E sir, sino naman po ang hindi matatawa sa mga sinabi mo?” tanong niya habang hindi pa rin napapakalma ang sarili. “At isa pa, mabuti nga at iniwan mo ang babaeng ’yon doon sa bar na sinasabi mo. Paano pala kung dumating ang totoong boyfriend no’n? E ’di ikaw naman po ang nabugbog,” aniya dahil sa nakakatawang kuwento ng binata sa kaniya tungkol sa College life nito. “Hay nako! May
