TATLONG araw ang mabilis na lumipas bago dumating ang huling araw ng burol ni Felipa. Maraming tao ang dumating upang makiramay at makidalamhati sa dalaga at kay Hugo, dahil sa pagpanaw ng matandang Felipa. Naroon ang mga kapitbahay nila na nag-asikaso sa ilang gabi na lamay para sa namatay. Hindi malaman ni Hada kung ano ang gagawin sa mga sandaling iyon. Hanggang ngayon ay hindi niya pa rin matanggap na sa gano’ng paraan mawawala ang kaniyang tiya. Hanggang ngayon ay kumikirot pa rin ang kaniyang puso dahil sa sinapit nito. Sinisisi niya pa rin ang kaniyang sarili sa mga nangyari.
Naroon naman si Cohen at hindi nawala sa tabi niya upang alalayan at damayan siya sa kaniyang pinagdadaanan. Si Rowena, Adrian at mga katrabaho niya ay nagtungo rin sa bahay nila upang makiramay at sumama sa p
