PASALAMPAK na umupo sa kaniyang upuan si Hada nang makabalik siya mula sa Function Hall. Kagaya kanina, malalim pa rin ang iniisip niya tungkol kay Enara at Cohen. Hindi niya pa rin lubos maisip na papatol sa bata ang binata. Makailang beses na rin siyang napapailing at ipinipilig ang ulo para tanggalin iyon sa kaniyang utak; ngunit ayaw naman siyang tantanan. Muli siyang nagpakawala ng malalim na buntong-hininga pagkuwa’y isinandal ang likod sa sandalan ng kaniyang swivel chair.
“Kumusta? Tapos na kayo sa trabaho ninyo?” tanong ni Rowena nang lumapit ito sa kaniya at may bitbit na tasa ng kape. Inilapag iyon sa kaniyang mesa. “Nagtimpla ako ng kape para sa ’yo, I know kailangan mo ito ngayon.” Dagdag pa nito bago sumandal sa gilid ng kaniyang mesa.
“Salamat, Weng!” aniya at muling tumuw
