“BAKIT NAKATULALA na naman ang mahal kong asawa?” untag ni Don Simon sa asawa na malayo na naman ang tinatanaw habang nakatayo sa teresa ng kanilang kuwarto. Nang hindi marinig ng asawa ang tinig nito ay pasimple itong niyakap ni Don Simon mula sa likuran na siyang naging dahilan upang mapapitlag ito sa gulat.
“Diyos ko naman mahal ko, aatakehin ako nito sa puso ko e!” anang Señora Ximena sa asawa na bahagya pang pinalo ang kamay na nakapulupot sa baywang nito.
“Ang lalim na naman kasi ng iniisip mo. Kanina pa ako nakatayo sa may pinto pero hindi mo naman ako naramdaman.” Anito na hinalikan pa ang pisngi ng asawa.
Ipinilig ni Señora Ximena ang pisngi nito sa pisngi ng asawa mayamaya. “May iniisip lang ako mahal ko,” anito at nagpakawala ng malalim na buntong-hininga. “Kanina nang dumal
