حكايات ارض السلطان

الحلقة الاولي

#حكايات_ارض_السلطان

الحلقة الاولي

مرجبا عزيزي القارئ دعني أخبرك أمراً هاماً، أنا لن أستخف بعقلك أبداً؛ لأنني أعرف أنك ذكياً، تستطيع أن تميز بعقلك الجبار بين الأشياء التي تستحق والأشياء التافهة، لقد خُلِقتَ بعقل ناقد واعٍ، يستطيع نقد كل شيء وتوجيهه إلى الصواب، لذلك أنت تقرأ هذه القصة التي لم تقرأ مثلها من قبل، ولكي تقرأها كما ينبغي لك أن تقرأها، عليك أن تجلس معي على انفراد، لأن ما ستعلمه لا يجب لغيرك أن يعلمه ..

أعلم أنك تمل سريعاً؛ لذلك لن أطيل عليك وسأخبرك بنبذة عن بعض الاسرار والحكايات وبعدها نبدا الملحمة .

#ذئبة_الجبل شمايل #لا_يوجد_اخطر_من_الذئبة_عندما_تفقد_اطفالها

#بنت_المساخيط نجد :: #من_قلب_الجبل_اتيت

#من_رحم_الذئاب_ولدت

#في_ارض_السلطان_ترعرعت

#وفي_قلب_اعدائي_غرست

#بهية :: #فقدت_ابتسامتي_وخسرت_كرامتي_ولم___يبقي_سوي_سخطي

#قابيل :: #العدل_اسم_من__اسماء_الله_الحسني__لا__يدرك_معانية_بعض_البشر

#ملائكية القلب :: #سأتحالف_مع_شياطين_الارض_كلها__لو__كان__ذلك_هو_السبيل_للثأر_والانتقام

#بالدم :: #هناك_جزء_من_جسدي_يسكن_بداخلها_حرفيا

#نبؤة_الغجرية :: ستلقيك تلك الفتاة في بئر يوسف ولن تخرجك منة قافلة العزيز لن يخرجك سواها فقط ليكون موتك علي يدها ف احذر يا ولدي ف تلك ا****ة ستقتلك مرتين وانت ستذهب كما القرابين تعرف انك ستموت ومع ذلك ستتقدم نحو الموت .

#من_اجل_الحب :: #بعض_البشر_كالنار_المسعرة_يمنحك_لحظات_من__الدفء_قبل_ان_يحرقك

#نار_الطار :: #ساعة_الانتقام_يصبح_البشر_اقصي_ما_يخافوه

#روح_الجبل

#اعداء_الفرعون

#شيخ_الجن_الحارس

#قبيلة_المنتقمين

#سأحبك_رغما_عني ::

#_لم___يزيدني_غيابك__إلا_حبا__ولم_تهجرني__معك__إلا_ابتسامتي.

#عظام_و_دماء

#ملاك_وشيطان

#رابحة_المجذوبة

#السبع_رجال

#نار_الطار

#بالدم

#بنت_المساخيط الجزء التاني

#صعيدية_وقعت_ف_الحب دي هتكون حكاية العمة هند

#سم_البشر_و_ترياق_الذئاب

#امراة_من_نار

#قارئة_الفنجان

#الغجرية

#بأسم_الحب

.............

والان لنبدا

#لا_تكن_كشجرة_اوراقها__في_مهب_ريح__عابرة__بل__كن_كصخرة_ثابتة_بلا_جذور

.............. ف الطريق الغربي الصحراوي ........

** عربية فيها بنتين الكبيرة هي اللي سايقة عندها حوالي ٢٤ سنة والصغيرة نايمة عندها حوالي ١٧ سنة **

رحيل :: اصحي يا فريدة الظاهر اننا توهنا الطريق مش باينلة اخر ومفيش اي حاجة تبين البلد اللي رايحنها .

فريدة :: معرفش بقا انتي قلتي أن الطريق دة مختصر وهيوصلنا ف ٣ ساعات ع** الطريق العادي بتاع المحافظات اللي بياخد ٧ ساعات .

رحيل :: ايوة ما دة بيعدي من برة المحافظات و ظاهر علي الخريطة بتاعة جوجل اننا ماشيين علية بس مش عارفة مش ظاهر مداخل القري لية والطرق اللي بتودي ليها .. اية الحظ دة البنزين قرب يخلص .

فريدة :: في مدخل جانبي هناك اهو مكتوب قرية ( ارض السلطان ) ادخلي فية ماينفعش نقف بالعربية ف الطريق الرئيسي بليل كدة خطر بيحصل حوادث .

رحيل :: مقدميش حل غير كدة .

** فضلو ماشيين ف الطريق مسافة طويلة ومش باين اي اثر ل قرية قريبة لحد ما البنزين خلص ف وقفو العربية وركنو علي جمب **

فريدة :: هنعمل اية دلوقتي ؟

رحيل :: هنستنا لحد الصبح الفون كمان فصل وحضرتك نسيتي تجيبي وصلة الشاحن اللي بشحن فيها من العربية علشان تبقي تخلصي شحن تليفونك علي مكالمات الڤيديو مع اصحابك البنات .

فريدة :: يعني دلوقتي انا السبب ف كل دة .

رحيل :: لا ياستي مفيش حد السبب دة قدر ربنا .

** فضلو قاعدين ف العربية يتكلمو شوية وسمعو صوت جمبهم بيبصو لقو ٤ رجالة علي احصنة وقفو قريب من العربية ونازلين من احصنتهم معادا واحد فضل علي حصانة **

الاول :: باينها هتبجي ليلة حلوووة يا رچالة .

الثاني :: دي صيدة سجع جوووي حريم وكمان عربية هنبيعها وناخد فلوسها روح يا مرعي للرچالة وهات معاك معاك راجلين تلاتة بالحصنة علشان نجطرو العربية دي ونتاويها لحد ما نتصرفو فيها .

التالت رفع بندقيتة وخبط بية علي ازاز العربية :: انزلي يا حورمة مينك ليها .

** رحيل وفريدة كأنو هيموتو من الخوف فريدة صرخت هي ورحيل ومكنش قدامهم حل غير انهم ينزلو من العربية ***

رحيل :: ارجوك خد كل الفلوس اللي معانا بس متقتلوناش .

الراجل :: ومين جال اننا هنجتلكم يا جمر حاكم الرجالة عايشة عمرها ف الچبل وبجالهم ياما ما شافوش حريم ودلوك جدامهم حريم من مصر اللي عمرهم ما شافو حريمها غير ف المنام .

** فريدة فضلت تعيط وتصرخ و واحد من ال ٣ رجالة الباقيين قرب منها وبيشدها من دراعها علشان يقومها من علي رملة الصحراء ورحيل فضلت تصرخ سيبها سيبها فجاءة ظهر واحد هاجم الرجالة دي وهجم الاول علي اللي شايل البندقية ض*بة بو**ين افقدة الوعي واخدها منة ف نفس اللحظة اللي الاتنين التانين سابو رحيل وفريدة وهاجموة بخناجر لكن هو مسك البندقية بايدية الاتنين كأنها عصايا و ض*بهم بيها علي راسهم لحد ما وقعو علي الارض وفقدو الوعي وهما بينزفو **

الراجل اللي مش باينة ملامحة ف الضلمة بعيد عن نور العربية راح ناحية الاحصنة وخلا لجام حصانين مربوط ف بعضة و جاب حبل كان علي حصان واقف بعيد واضح انة بتاعة ربطو ف اللجامين :: اركبو الحصانين ومتخافوش واصل انا هود*كم البلد جريبة من هني بسرعة جبل ما حد يأچي .

* رحيل و فريدة بصو ل بعض وهما بيحاولو يهدو*

رحيل :: يلا يا فريدة علي الاقل دة انقذنا منهم ولو عايز يأذينا مكنش هينقذنا منهم اصلا .

فريدة :: انا خايفة اوووي دة ممكن يكون عايز يقتلنا .

رحيل :: كان قتل اللي حاولو يقتلوة انتي مشوفتيش هو ض*بهم بس مقتلهمش .

الراجل :: همو يلا مجدمناش الليل بطولة وكلاتها شوية وهتلاجي هچامة الچبل كلاتهم هني .

** فريدة ورحيل ركبو الحصانين اللي هو ربط لجامهم ببعض وهو ركب حصانة وبقا شاددهم وراة بحصانة بالحبل المربوط و واصل بينهم فضلو ماشيين فترة ف الصحراء لحد ما بانت القرية و اول ما وصلو القرية كان تقريبا مفيش حد البلد كلها نايمة و وصلو قدام قصر كبير باسوار عالية و الراجل نزل من علي حصانة وطلب منهم ينزلو **

الراجل :: اتفضلو ادخلو الدار الدور الارضي كلة للضيوف وعشان تطمنو اجفلو علي روحكم ونامو لحد الصبح .

رحيل :: ازاي هندخل كدة هو دة بيتك ؟

الراجل :: دي دار چدي ادخلو الله لا يسيجكم وجف*نا كدي عفشة ومتصحش ف وجت زي دي .

فريدة :: دول كدة خدو عربيتنا انا سمعتهم بيبعتو الراجل اللي كان معاهم يجيب رجالة تانيين علشان يجرؤ العربية بالحصنة ويخفوها تقريبا مكنتش فاهمة اووي .

الراجل :: متجلجيش اول ما تطلع السمس العربية هتكون جدام الدار دي ادخلو نامو ومتشلوش هم حاچة انتم ف ضياف*نا .

فريدة :: هو انت اسمك اية احنا كل دة منعرفش اسمك .

الراجل :: مهيب سلطان .

رحيل :: شكرا يا استاذ مهيب .

مهيب :: لا شكر علي واچب اتفضلو انتو دلوك ارتاحو للصبح وبكرة يحلها الحلال ...

***********************

* رحيل وفريدة فضلو صاحيين لوقت متاخر من التوتر والخوف مش مصدقين اللي حصلهم وناامو والضهر صحيو علي خبط علي الباب مكنوش عارفين يفتحو ولا لا بس رحيل اتشجعت و راحت فتحت لقيت قدامها ست صعيدية ف الخمسين تقريبا **

.........

العمة هند :: صباح الخير متاخذونيش يا صبايا بس الحريم جالتلي أن مهيب ولد اخوي شيع خبر أن في ضيوف ف المندرة من مصر وحريم معهمش راچل جلت لازم اچي بنفسي ارحب بيكم .

رحيل :: اهلا وسهلا اتفضلي يا طنط .

العمة هند :: طنط ايي يا حبة عيني انتي عايزة الحريم يتمجلسو عليا الكل هني بيجولولي يا عمة .

فريدة :: ازاي حضرتك يا عمة .

العمة هند :: يا سلام عليكي يا جمر طالعة منك زي الشهد انتي اسمك ايي ؟ .

فريدة :: انا فريدة ودي اختي الكبيرة رحيل .

العمة هند :: اساميكم زينة ياصبايا كيف وشكم اللي كيف البدر ف ليلة تمامة .

رحيل :: هو احنا هنمشي امتا علشان تليفوناتنا فاصلة شحن من امبارح ونسينا نجيب شاحن وفي ناس هيبقو قلقانين علينا اووي .

العمة هند :: بتتحدتي كأيواننا حابسينكم لا سمح الله انتم ضيوف سي مهيب يعني نشيلوكم ف حبابي عنينا .

رحيل :: انا اسفة والله مقصدش كدة بس حضرتك متعرفيش اللي حصلنا امبارح بليل ناس طلعو علينا وكانو هيخ*فونا لولا استاذ مهيب انقذنا منهم

فريدة :: وكمان خدو عربيتنا احنا كدة مش هنعرف نروح من غيرها .

العمة هند :: جصدك العربية الزرجاء متجلجيش اهي مركونة جدام المندرة اديلها ساعتين .

رحيل :: بجد دة ازاي طيب .

العمة هند :: اللي عرفتة من الحريم أن سي مهيب بعت الرچالة چروها لحد هني .

فريدة :: طب فين البنزين اللي هنا علشان العربية مفيهاش بنزين واحنا لازم نمشي .

العمة هند :: متستعچليش انا زي ما جلتلك انتو ضيوفنا والبنزين دي بتأچي عريية خزان كل اسبوع علشان مولدات الكهرباء ومكينات الري والعربيات اللي ف البلد .

فريدة :: ودي هتيجي امتا ؟

هند :: احنا النهاردة الاربع هتيچي يوم الچمعة ف العربية .

رحيل :: بس احنا منقدرش نفضل كل دة هنا وتليفوناتنا مقفولة .

هند :: شوفي كل اللي يلزمك اكتبية ف ورجة وساعة زمن ويكون حداكي هني .

رحيل :: شكرا يا طنط بجد مش عارفة اشكرك ازاي .

العمة هند :: بردك طنط دي يا بتي جوليلي يا عمة ايي صعبة دي .

رحيل :: حاضر يا عمة قوليلي هو احنا هنا فين انا لسة لحد دلوقتي معرفش .

العمة هند :: انتي ف بلد السلطان .

رحيل :: اول مرة اسمع الاسم دة حتي علي الخريطة امبارح قبل تليفوني ما يفصل مكنش ظاهر بلد بالاسم دة عليها .

العمة هند :: ومين جالك اننا عالخريطة ديية دة احنا محدش يعرف عنينا حاچة واصل .

رحيل :: ازاي يعني يا عمة ؟

العمة هند :: يا بتي احنا اجرب عمار لينا تفضلي راكبة العربية يأچي ساعة ف الصحراء علشان توصليلة.

اميرة :: طب انتم عايشين ازاي كدة .

العمة هند :: احنا عايشين ومبسوطين ومش ناجصنا حاچة واهل البلد هني مابيخرچوش منييها واصل وكل اللي يلزمة حاچة بتيجي كل اسبوع .

رحيل :: يعني انتم علي كدة مفيش اي حاجة غير الأراضي والزراعة وبس .

العمة هند :: مين جال كدي احنا عندنا مدارس ابتدائي واعدادي بانيهم ابويا سلطان بية الكبير الله يرحمة واللي بيخلصهم وعايز يكمل علام ويروح الثانوية بيروح مدرسة ف العمار والولاد بيچمعو بعضهم ويروح وياچو سوا بعربيات كبيرة ابويا الله يرحمة كان چايبها عشان كدي .

رحيل :: يعني انتم هنا عايشين مستقلين بذاتكم وعايشين مع نفسكم كدة بعيد عن الدنيا .

العمة هند :: احنا هني عايشين مرتاحين والحمد الله ف نعمة من عند الله جولولي بجا انتو اية اللي چابكم النواحي دي دة مفيش غريب بيأچي حدانا واصل .

رحيل :: احنا كنا مسافرين ل بلد علي الطريق الغربي والتليفون فصل ومعرفتش اوصل والبنزين خلص وحصل اللي حكيتة ل حضرتك يا عمة لما استاذ مهيب انقذنا .

فريدة :: ايووة صح هو فين مهيب دة ولية مخبطش علينا قالنا انة جاب العربية .

العمة هند :: مكنتش هصدج لو حوصل .. مهيب ولد اخوي ميعملش كدي واصل ميجدرش يخبط علي حريم جاعدين لحالهم ابدا عشان كدي شيعلي الحريم يدوني خبر .

رحيل :: انا بحب اووي الحاجات دي والكلام اللي بسمعة عن الصعيد ممكن يا عمة تحكيلي عن بلدكم دي شوية .

العمة هند :: من عينيا يا جمر انتي .

** دخلت واحدة من الحريم معاها صينية اكل **

الست :: فطار الضيوف يا عمة زي ما امرتي يلزمش حاچة تانية نعملوها ل ضيوف سي مهيب .

العمة هند :: اومال فين سيدك مهيب دلوك .

الست :: معرفاش يا عمة بس سمعت ان الرچالة هيلمو بعضهم ويروحو الديوانية بعد صلاة الضهر .

العمة هند :: اتخبلتي ايااك يا مجصوفة الرجبة انتي الديوانية مجفولة من ايام سي فخر اخويا الله يرحمو .

الست :: معرفاش يا عمة سمعتهم بيتحدتو انهم عايزين سي مهيب يجعد ف الديوانية بس بيجولو سي عوني هيجعد ف الديوانية يستجبل الرچالة .

العمة هند :: يا وجعة طين دة بينة هيبجي نهار اسود علي دمغاتنا كلتنا امشي انتي دلوك و اول ما الرچالة ياجو تديني خبر عشان اجعد ف جاعة الحريم بتاعة المظاالم ويلا انا عايزة البلد كلاتها لازم تعريف أن سي مهيب حفيد السلطان هيجعد ف الديوانية وخلي الحريم ينضفوها ويخلوها نضيفة عشان الجعدة .

* الست مشيت *

رحيل :: هي اية الديوانية دي يا عمة ؟

العمة هند :: بصي يا بتي الديوانية دي زي المحكمة حداكم ف مصر بتشوف مظالم الناس وبتجضي حوايجهم بس هني الجاضي بيكون كبير العيلة بتاعتنا .

رحيل :: ولية ميبقاش حد تاني من اهل البلد ؟

العمة هند :: علشان دة العهد يابتي .

رحيل :: عهد ايية ياعمة ممكن افهم علشان دماغي بدات تلف ؟

العمة هند :: بصي يابتي **

###

البلد دي كلاتها كات بتاعة چدي وكان الفلاحين كلاتهم شغاليين ف الأراضي بتاعتة ساعتها كان في حاچة اسمها العبيد يعني الناس كأنو عبيد عندة

و زمان جووي ايام ابويا سلطان بية ما كان كبير العيلة و هو ف عز شبابة جامت ثورة ٢٣ يوليو والريس عبد الناصر ساعتها كان بياخد الاراضي من الاغنياء يديها للفلاحين الغلابة .

ابويا جال محدش هياخد ارضنا غصب عنينيا وي**ر عينا جصاد الفلاحين .

ف چمع الفلاحين كللاتهم وكل فلاح عندة عيلة ادالة حتة ارض وخد منهم عهد انهم هيبجو عائلات بس تفضل عيلة السلطان هي اللي ماسكة البلد ويفضل الكل فاكر ماينساش أن السيد الاول والاخير هو كبير عيلة السلطان اللي هيكون علية الدور من نسلة ويكون سيدهم وسيد البلد كلاتها من بعدة .

ولما مچلس جيادة الثورة چية البلد علشان ياخدو الاراضي لجو الفلاحين اصحاب ميلك ف طبعا مجدروش ياخدو اراضي تانية من ابويا ما كل الفلاحين بجا عندهم ارض وماينفعش يچيبو فلاحين من بلد تانية .

وبعدها كل واحد عيلتة كبرت وبجو عائلات كبيرة وكتيرة جووي بس مجدروش ينسو العهد اللي خدو عليهم ابويا سلطان بية الله يرحمو وبعد ما مات بجا سيدنا وسيد البلد كلها سي فخر اخويا الله يرحمة ابو مهيب بس اتجتل من سنين كتيرة ومن ساعتها والديوانية مجفولة عشان مهيب ولد اخوي رفض يكون سيدنا وفضل عايش ف مصر مع امة واخواتة البنات هناك وبيچي هني زيارات .##

** الست دخلت تاني :: الحجي يا عمة الديوانية بدات والرچالة دخلو وبيجعدو دلوك وجاعة الحريم هتتملي بس اني جلتلهم العمة هتاچي ف كلاتهم سابو مكانك فاضي ياعمة .

العمة هند :: وسيدك مهيب فين ؟

الست :: لا ياعمة مچاش بس شوفت سي عوني چاي علي الديوانية .

العمة هند :: يلا يا صبايا تعالو معايا هوريكو الديوانية وهتجعدو معايا ف جاعة الحريم .

رحيل :: بجد ياعمة يعني هنشوف المحكمة اللي بتقولي عليها دي ؟

العمة هند :: مهياش محكمة يابتي دي مچلس عرفي لحل كل حاچة ف البلد واي حد عندة مشكلة او مظلمة بيعرضها ف الديوانية علي سيدنا والحريم بتيچي ف جاعة تانية مفصولة بستارة بطول الجاعة عشان محدش من الرچالة يطل ع الحريم واي ست عندها مشكلة تجولة يعني ورث ولا حاچة وكدي يعني .

** رحيل و فريدة فرحو اوووي ووافقو يروحو الديوانية مع العمة هند **

............................. الديواااانية ........................

الديوانية عبارة عن قاعة كبيرة مقسومة جزئين جزء كبيرة الرجالة وجزء تاني للستات وبيفصل بيهنم ستار بطول القاعة علشان لو في ست عايزة تقول حاجة محدش يبقا شايفها والكراسي مرصوصة علي الجنبين ف نهايتهم درجتين سلم عليهم كرسي كبير شكلة فرعوني المقابض بتاعتة علي شكل راس اسد *

* الرجالة دخلو من الباب الكبير وقعدو علي الكراسي والستات دخلت من الباب اللي بيودي علي القاعة بتاعتهم *

* الرجالة قاعدين بيتكلمو كلهم مستنين مهيب يحضر *

دخل الحاج عوني ابن عم فخر الدين ابو مهيب *

عوني :: اية يا رچالة بلغني انكم اتفجتو كلكم عشان تيچو الديوانية

مش كان واچب تدوني خبر علشان اچي واجعد مكاني .

الحاج عبد الصبور :: وانت دخلك اية يا حاچ عوني احنا چايين عشان سيدنا مهيب بية

الحاج فتحي :: بصوا يا رچالة احنا المره دي لازم نتفج مع سيدنا مهيب وناخذ منه العهد عشان البلد حالها يتصلح

الحاج طه :: عين العجل يا حاچ فتحي ان شاء الله سيدنا مهيبب ماهيردناش خايبين الرچا .

الحاج عبد الصبور :: ما تجلجووش يا رچاله ان شاء الله هيجبر بخاطرنا وهيوافج .

الحاج عوني :: بس افتكر أن مهيب رافض شغل العيله والبلد عشان كدي مبجاش هو سيدنا وابوة سيدنا فخر كان رافض الشغل ديية .

* الوقت بيمر ومهيب ما جاش الحاج عوني قرب من الكرسي وقال :: دلوك يا رچاله بما أن مهيب شكله سافر ومش چاي يبجى اني الاحج بمكبرة البلد كلاتها .

* وقرب علشان يقعد على الكرسي *

صوت من اخر القاعه:: انت هتعمل ايه يا حاچ عوني انت نسيت روحك ولا ايي ؟؟

الكل بص لاخر القاعه لقو مهيب داخل عليهم وماشي بقوة وثقه

مهيب :: انت ازاي تفكر تجعد مكان ابويا الله يرحمه فخر الدين ؟

الحاج عوني :: انت ماعيزش تكون سيدنا وانا احج بيها .

مهيب :: الحديت ده لو كان نسل ابويا انجطع لكن طول ما اني عايش على وش الدنيا محدش هيجعد مطرحه واصل .

**** الرجاله كلها فرحت وهند خلت الستات حواليها يزغرطو

مهيب قعد علي كرسي السيد

كل الموجودين ف الديوانيىة قامو وقفو وراجل كبير منهم اتقدم خطو ل قدام وقال ::

اليوم نجولها للعلن اصبحنا اجوياء بعد ضعفنا عاد الينا مائنا وارتوت صحرائنا السيد الچديد حفيد السادة العظام من نسل الملوك والفراعين اصحاب الدم الملكي .. ملاذ الفجراء واﻻمراء سيد الصحراء حامي كنوز اﻻجداد و وريثها الوحيد سيدنا الچديد مهيب ولد فخر الدين ابن السلطان الكبير حفيد الفراعين

** انحني الجميع سوا ف القاعة او خارجها من كل اهالي البلد الواقفين امام الديوانية **

رحيل وفريدة بقو مبهورين باللي بيحصل دة ومش مصدقين ان في كدة حقيقي ف الدنيا وحسو انهم ف فيلم تاريخي عن الملوك **

مهيب شاور للكل ف اتعدلو وبداو يقعدو تاني علي كراسيهم **

مهيب :: كل اللي عنده مشكله او مظلمه يجولها .

* وبدا الرجاله يقولوا المشاكل ومهيب يتناقش ويحلها لحد ما في اخر الجلسه رحيل وفريدة لقوا واحده وقفت واتكلمت بصوت عالي :: يا سيدنا انا عندي مظلمه وعايز اشتكي .

مهيب :: وعايزه تشتكي مين وايه مظلمتك ؟

البنت ::عايز اشتكي البلد كلاتها .

مهيب قام وقف :: البلد كلها ظلمتك احكي وربي ما هتخرچي من الديوانيه الا وانتي مرضيه .

البنت :: يا سيدنا انا كان عندي مراة اب ليها في بسم الله الرحمن الرحيم والعياذ بالله يعني الاعمال والسحر وكان متجدم لي واحد من شباب البلد و مراه ابويا ما كانتش موافجه عليه وبعدها بفتره مات واهل البلد جالوا عليا نحس ولما مراه ابويا ماتت جالوا على ورثت عنها السحر وشغل الاعمال ومحدش بجى يتجدم لي وانا كبرت وجطر الچواز جرب يفوتني ومطالباش غير الستر ياسيدنا .

مهيب :: الليله هيتجدملك زينه شباب البلد كلاتهم وانتي توافجي على اللي يلد عليكي .

اول ما مهيب ما خلص كلامه قال كده الديوانيه اتفضت يا رچاله

** الستات فضلت تزغرط الرجاله بقوا يقولوا اللي خلف ما مامتش والحاج عوني خرج بره الدوانيه يتكلم في التليفون

الحاج عوني :: الو ايوووة يا باشا ... الموضوع يخص حاچة جديمة كنا جفلناها زمان بس الظاهر دلوك محتاچين نجفلها علشان متفتحش علينا من تاني ... هحكيلك يا باشا ..

*********************

............................

** رحيل وفريدة قاعدين ف اﻻستراحة بيتكلمو عن اللي حصل ف الديوانية ومش مصدقين اللي حصل لحد دلوقتي **

فريدة :: شوفتي يا رحيل الناس هنا ازاي اية رايك لما ترجعي القاهرة تكتبي عنهم ف الجريدة اللي انتي شغالة فيها ؟

رحيل :: انا لسة مبتدئة ف الجريدة وف اول الطريق مستحيل يوافقو اعمل موضوع كبير زي دة وهيخلو حد تاني يعملو و يروح عليا .

فريدة :: بس بجد اللي بيحصل هنا دة وﻻ ف اﻻفلام شوفتي الناس انحنت ل مهيب دة ازاي وكانت بتحترمة اوووي .

رحيل :: وﻻ البنت اللي جا**ها حقها هيخلي شباب البلد كلهم يتقدمولها بجد حاجة تجنن .

فريدة :: بس اية كان شكلة موز اووي وهو ﻻبس الجلابية وعليها البتاعة دي معرفش اسمها اية وماسك ف ايدة عصاية عليها راس شكل اسد دهب .. انا عايزة من دة ماليش دعوة .

رحيل :: هو اية دة اللي عايزة من دة هو لعبة هجيبهالك من الملاهي يا تافهة ؟

فريدة بضحك :: ما انتي شوفتي موز ازاي وبصراحة كان شكلة يجنن .. وﻻ شكلك انتي يا لئيمة اللي عينك منة ههههه .

** العمة هند دخلت ف نفس اللحظة ﻻنهم كانو سايبين الباب مفتوح **

العمة هند :: هو مين دية اللي عينها مينية وانا اچبهولك لحد عيند*كي .. يكونش شوفتي حد من البلد عچبك وانتو راجعين من الديوانية ؟

رحيل :: ﻻﻻ خالص يا عمة دا احنا كنا بنهزر انا وفريدة ومفيش حاجة من الكلام دة .

فرريدة :: عايزة اسألك سؤال يا عمة .

العمة هند :: اسألي يا بتي .

فريدة :: هو لية الراجل الكبير اللي كان بيتكلم لما مهيب قعد علي الكرسي كان بيقول حفيد الفراعين والملوك والكلام دة انا مش فاهمة هو انتم فراعنة ومتنكرين ؟

العمة هند بضحك :: يوووة يخيبك يا بت متنكرين كييف يعني؟ ﻻااة كل ما هنالك ان دي حكاية جديمة جووي .

رحيل وف فريدة ف صوت واحد :: احكيهالنا يا عمة .

العمة هند :: زمان جوووي ايام الفراعنة والملوك بتوع زمان كان چدودنا عايشين وجتها وكانو من حرس الفرعون وكمان رچالة الجيش بتاعة وحصل مؤامرة من الكهنة عشان يجتلو الفرعون ولما ما اتاجتلش اتهمو چدودي انهم هما اللي ورا محاولة الجتل دي وجدرو ياثرو علي الفرعون ف فضل يجتل ف چدودي لحد ما هربو وجم هني ف وسط الصحراء وبجو جبيلة صغيرة وفضلو مستخبيين سنين لحد الفرعون ما مات بس هما خلاص اتعودو علي العيشة هني وبجو كتير خلفو وعاشو واتربت اﻻجيال اللي بعدهم هني مايغركيش البلد كدي ﻻاااة البلد دي اديلها ياما وبنوها چدودي من ايام الفراعنة وتحت الصحراء دي في بيوت وحاجات يااما خفاها تراب الصحراء ومايعرفش طريج السراديب غير كبير العيلة سيدنا وتحت بيت ابويا سلطان بية فية سرداب كبير فية چدار كبيرة مكتوب عليها بالفرعوني وكل ما يمسك البلد واحد من العيلة ويبجا الكبير بينزل السرداب دة ويكتب اسمة علي الچدار دة.. دة تجليد من جديم اﻻزل ف العيلة مكتوب ف الجدار دي الحكاية واللي حوصل ايام الفراعنة وازاي چينا هني وعشنا وفيها حكايات كتبها چدودي لما حصلت ف زمانهم بيجولو حكايات مالهاش زي وكل دي ماهيشفهوش غير السيد عشان يتعلم من حكمة اچدادة اللي سبجوة . #

فريدة ::بجد يا عمة دة كانك بتحكي اساطير هو احنا ينفع نشوف الحيطة دي او الجدار دة يعني بجد هتجنن من كلامك عنة ؟ .

العمة هند :: ابويا سلطان بية الله يرحمة لما حكالي عنية كت هتچنن زيك كدي وفضلت اتحايل علية ايام وليالي وهو يرفض ويجولي دة مايجدرش ينزلة غير كبير العيلة وسيدها وان مكان السرداب مايعرفوش غير الكبير وهو بيجولو ل ولدة لحد ما وصل ل فخر الدين اخويا الله يرحمة بس معرفاش جال علي مكان مدخل السرداب ل مهيب ولدة وﻻ ﻻااه حاكم اخويا فخر الدين اتجتل من سنين ولحد دلوك معرفينش مين جتلو .

رجيل :: واواوو يا عمة انا ليا عندك طلب

العمة هند :: اطلبي يا،بتي انتي ضيف*نا وطلباتك واچب تنفيذها من عينينا

رحيل :: تحكيلي كل حاجة تخص بلدكم دي بجد انا مش متصورة ان في بلد كدة ف الدنيا وفي ناس كدة من احفاد الفراعنة وسيد الناس وسراديب وجدار فرعوني وحاجات كدة اول مرة اسمع عنها ف الحقيقة .

العمة هند :: بس كدي يا بتي عنيا التنين .. بس يلا دلوك معاد الغدا تحبو اشيعلكم الغدا هني مع الحريم وﻻ تيجو معايا نتغدا ف بيت العيلة دة البيت اللي چارنا هني ؟؟

فريدة :: بيت العيلة دة اللي تحتة السرداب ؟

العمة هند بضحك :: ايوة يا بتي .

رحيل و فريدة اﻻتنين قامو ف وقت واحد وقالو ﻻ هنروح البيت دة نتغدا علشان نشوفة من جوة **

** العمة هند اخدت فريدة ورحيل وراحوو بيت العيلة ودخلو قعدو علي السفرة والستات بتحط الاكل و اول ما الستات خلصو رص الاطباق علي السفرة راحت واحدة منهم ناحية اوضة بابها كبير اووي كان واضح انها اوضة مكتب وخبطت علي الباب وخرج مهيب الست رجعت خطوة ل ورا وحنت راسها ومهيب بصلها ومشي ناحية السفرة والعمة اول ما شافتة قامت وقفت ف رحيل وفريدة استغربو من رد فعلها *

مهيب :: عيب والله يا عمتي دة انتي ف مجام امي ماتجومليش تاني وخلي الحريم مفيش واحدة تحني راسها جدامي دول شغالين هني مش عبيد واني هجول ل اهل البلد كلاتهم مفيش حني راس تاني جدامي.

العمة :: الله ف سماة ما تعمل كدة لا ابجا عمتك ولا اعرفك انت ماشوفتش حالك وانتا ف الديوانية النهاردة كت كيف الاسد واجف وسط الرچالة فكرتني بچدك وبالمرحوم ابوك فخر الدين الله يرحمة.

مهيب :: ودة علاجتة اي بانهم ينحنو راسهم ليا ؟

العمة هند :: دة العهد يا ولدي وكل اهل البلد ملزومين بية ليك وكل اللي،سبجوك وللي هيچي بعد*ك بعد عمرن طويل ان شاء الله.

رحيل :: استاذ مهيب كنا عايزين نشكرك انا واختي علي اللي حضرتك عملتو معانا امبارح ومجتش فرصة نقولك شكرا علي انقاذنا وكمان علي ضياف*نا عندكم هنا.

مهيب :: اني معملتش غير الواچب والاصول يا استاذة واي راچل مكاني كان هيعمل كدي.

فريدة :: العمة بتقول ان البنزين هيجي بعد يومين طب احنا هنعمل اية كل دة؟

مهيب :: انتم ضيوفنا واهل البلد كلاتها هيشلوكم چووة عينيهم يعني حابين تجعدو ف الدار براحتكم زي ما تحبو عايزين تخرچو وتتمشو ف البلد بردو براحتكم انتم ضيوفنا مش مساچين.

رحيل :: شكرا يا استاذ مهيب والحقيقة العمة قامت بالواجب وضايف*نا كويس اووي ومبسوطين اننا عرفناها وطبعا عرفنا حضرتك.

العمة هند :: تسلمي يا بتي ان مشالتكوش الارض تشيلكم عنينا.. ايووة صووح يا مهيب شوفلك حل ف الخالة شمايل من الصبح عمالة تحمم الحصان وتاكل الكام ديب اللي ف الاجفاص ورا الدار واتحيلنا عليها ماتعلمش حاچة كات هتض*بنا بالعصاية وكات عتض*بني اني كمان لما جربت منيها عشان اخليها ترتاح

مهيب بضحك :: معلش يا عمة تستاهلو هو في حد عاجل يجرب من شمايل ويجولها لاااة علي حاچة بتعملها اني،نفسي مجدرش اجولها لاااة وابويا الله يرحمة جالي شمايل دي راس الحكمة وتسمع نصيحتها ف اي حاچة تجولها.

العمة هند :: ايوووة يا سيدنا بس دي خلاص جربت ع التسعين سنة واكتر وسبحان الله عليها صحة وعفية كيف الفرسة الشاردة.

مهيب :: بس يا عمة هتچيبي اچل شمايل كدي ربنا يديها الصحة انا عارف هي مهتبطلش حركة لحد ما تموت سيبوها علي كيفها ومحدش يضايجها عشان لو عورت حد ف الحريم اني مش هدخل واني جلت اهو.

العمة هند :: امرك يا سيدنا.

مهيب :: بردك يا عمة م**مة تجوليلي زيهم ؟

العمة :: اللي يسري علي الكل يسري عليا وان مكتش انا اكبرك مين يكبرك يا ولدي انت دلوك كبيرنا وسيدنا وتاچ راسنا كمان.

مهيب قام من علي السفرة :: الحمدلله .. اني هجوم الف ف البلد شوية واطمن ع الناس لو محتاچين حاچة.

رحيل بتسرع :: ينفع نيجي معاك؟

** مهيب وقف وبصلها راحت العمة ردت :: خلاص يا سيدنا روح انتا بالف يلامة وانا هاخد الضيوف مكان مايعوزو.

* مهيب خرج وفريدة فضلت تضحك علي منظر رحيل لما مهيب بصلها وسكت.

رحيل :: انا اسفة يا عمة مكنتش اقصد حاجة دة هو السؤال طلع كدة بتلقائية ومن غير ما اقصد والله.

العمة هند :: عارفة يا بتي وسي مهيب مزعلش انتم مصاروة يعني عوايدكم غير عوايدنا.

فريدة :: هي مين يا عمة الست شمايل دي اللي مهيب بيعملها حساب؟

العمة هند :: دي حكايتها طويلة جوووي دي بيخوفو بيها العيال وهما صغيرين والحريم كات تخاف علي رچالتها مينيها ومايخليهومش يخرچو ف الليل ل تجتلهم.

رحيل :: لية يعني هي عملت اية لكل دة ؟

العمة هند :: جتلت رچالة ياما.

فريدة :: ياماما يعني ست قتلت رجالة كتير وبتقوليها عادي كدة؟

العمة هند :: انتي ف الصعيد يا بتي ومش اي صعيد انتي ف بلد السلطان ارض الرچالة وعشان يحترموكي لازم تكوني جوية وصلبة كييف الصخر والكل هني بيحترم الخالة شمايل وبيجدرها.

رحيل :: هو ينفع تحكيلنا حكايتها لو ينفع يا عمة؟

العمة هند :: هحكيكلك يا بتي بس دي حكاية جديمة جووي حوصلت جبل ما اني اتولد حتي.

تعرفي شمايل دي كان بيسموها اية.

رحيل و فريدة :::: اية يا عمة ؟؟

العمة :: النداهة اللي، بتخ*ف الرچالة وتغرجهم ف الترعة.

زمااان جوووي من سنين طويلة ف بلد تانية جبل ماني اتولد عاشت شمايل ومعاها بناتها التنين بعد چوزها ما مات والبنتة صغيرين ف كانت بشتغل ف اراضي بية كبير بتچني المحاصيل مع الانفار عشان تصرف علي بناتها وبناتها كانو يچبولها لجمة ساعة الضهرية تسند بيها روحها وف يوم رچعت لجيت بناتها غرجانين ف دمهم و *************

##############