RUSSELL
Hindi rin nagtagal sila Russell at Tristan sa manggahan dahil dumilim ang langit at ayaw din ng binata na abutan pa sila ng ulan sa Hacienda.
"Ingat kayo Tristan Xavier," pahabol pa sa kanila ni Mang Arnold bago tumakbo ang kanilang sasakyan.
Napapansin ni Russell, si Mang Arnold lang ang tumatawag ng buo sa binata. Ang iba ay Senyorito maliban kay Onyok at Tonton na hindi steady ang tawag sa binata. Mas lamang ang Senyorito na tawag kay Tristan pero minsan Xavier at Tristan.
Base sa tawag ni Mang Arnold malapit si Tristan dito. Ang katanungan sa isip ni Russell ay nasagot dahil nagsalita ang binata kahit hindi naman niya tinatanong. Hiya lang niya rito.
"Gano'n talaga simula't sapol ang tawag ni Mang Arnold sa akin. Noon maliit pa kasi ako madalas isinasama ni Dad. Nakasanaya
