NGITING ngiti siya nang makitang papasok si Syete. Tama nga si Princess na babalik ito sa tanghali. Kung galit ito ay hindi niya alam. Mukha namang okay ang aura maliban sa seryosong mukha.
"Ready na po ang lunch, Sir," pormal niyang sabi. Kahit na ayos na ang pakiramdam niya sa mga sinabi nito ay gusto niya pa ring pangatawanan na katulong lang siya ang walang lugar sa buhay nito. Tanggap niya kahit masakit.
Tango lang ang natanggap niyang sagot. Ngumiti pa rin siya. Sumunod siya nang maglakad ito patungo sa dinning. Hindi niya makita si Princess matapos nitong sagutin ang tawag ng asawa. Tumikhim siya, kumuha ng plato para sa amo at ihinanda ito ng maiinom.
Tamihik sila pareho, tanging kaluslos ng mga galaw niya lang ang maririnig. Gusto niyang kausapin ito pero mukhang mapapahiya s
