I
Habang papalapit ang kasal nila ni Romouldo ay unit-unti naman ang daluyong ng kaba sa puso ni Theresa. Hindi niya mawari kung bakit pero tuwina na ay biglang binubundol ng kaba ang dibdib niya kapag naiisip ang nalalapit na nilang pag-iisang dibdib ng kasintahan. Excited siya pero hindi niya alam kung saan nagmumula ang umaalong kabang namumuo sa kanyang puso.
Pilit na pinapayapa ni Theresa ang nararamdaman. Wala naman siyang dapat ipag-alala sapagkat di naman nagbabago si Rom sa kanya. Mas lalo pa nga na naging sweet ito at palaging sinasabi at ipinaparamdam sa kanya na mahal na mahal naman siya nito. Sa kalituhan ng puso at isipan ay dumalaw si Theresa sa kumbento. Bago pumasok sa loob ng kumbento ay dumaan muna siya at nagdasal sa simbahan na katabi ng kumbento.
“Abah The
