Chapter Twenty-four
"Inom ka rin?" alok ko rito. Hindi ko pa naman nararamdaman ang tama ng alak, eh.
"Mukhang problemado ka't gustong magpakalasing. Tara sa baba. Hindi maganda kung dito tayo iinom." Yaya nito sa akin. Agad naman akong tumayo. Mukhang masayang kainuman si governor. Marunong mag-magic kaya naman sasamahan ko na. Baka pakitaan din ako nito ng magic. Tutal malaya naman akong gawin ang mga gusto kong gawin ngayon. Ang hindi lang pwede ay umalis sa mansion na ito.
Tuwid pa ang lakad ko. Nakababa pa ako ng hagdan nang matiwasay.
"Mauna ka na sa garden. Kukuha lang ako ng pulutan at alak." Tumango naman ako rito. Sinenyasan ni Governor iyong bantay kaya naman hinayaan na akong dumeretso sa garden na bitbit pa rin ang bote ng alak na may laman pa.
Naupo ako. Hinintay si Gove
