Chapter Twenty-one
Nahihilo na ako dahil sa gutom. Sinubukan kong lumabas kanina pero hindi ako pinayagan ng guard na nasa labas ng pinto. Oo, may guard na. Inutusan ni Dimas na magbantay sa akin. Kahit tubig ay hindi man lang ako binigyan. Bawal daw.
Parusa sa akin dahil lang nais ko nang umalis sa mansion na ito. Napapaisip nga ako, eh. Kaya ba umalis iyong nanay ni Governor Tiago rito ay dahil gano'n si Dimas? Malupit ba si Dimas sa dati niyang karelasyon?
Sumapit ang gabi. Dumating si Dimas. Malawak ang ngiti nang pumasok ng silid. Nakasunod ang isang kasambahay na may dalang pagkain.
"Mahal ko, pasensya na at ginabi na ako. Halika na. Pwede ka nang kumain." Yaya nito.
Sumenyas ito na kumilos na ako. Sa takot na masaktan ay dali-dali akong bumangon kahit pa nanghihina at nahihilo
