Hindi na rin kami nagpakatagal pa sa restaurant dahil patuloy na lumalalim ang gabi. Nang maubos na ni Leon ang bote ng wine ay nagpasya na rin kaming umuwi. Hindi nga yata marahil nakakalasing ang wine, hindi ko siya kinakitaan ng pagkalasing kahit na siya lang naman ang uminom at halos nakaubos ng wine.
“Charlotte?”
Nilingon ko siya nang maulinigan kong tinawag niya ang pangalan ko. Matamang hinintay ang susunod na mga sasabihin niya.
“Yes, Sir?”
“Pansamantalang gumawa ka muna ng Whoseapp since wala ka pang simcard. Bukas ko pa maaasikaso ang pagpapalit nito.”
“Whoseapp?”
Hindi sa bobo ako sa bagay na iyon. Alam kong isa sa social media account iyon na tinutukoy ni Henley sa akin. Hindi lang talaga ako marunong gumawa ng account dito. At isa pa ang problema ko sa amin kung kay
