Crayon's Pov:
Muli akong nagpakawala ng fire ball pero tulad kanina ay hirap akong kontrolin ang ilalagay na kapangyarihan doon. Marahas na nagpaikot-ikot iyon at ilang segundo pa ang lumipas bago ko tuluyang napaglaho iyon.
Nandito ako sa mixed training room sa Main Building at wala pa akong kalahating oras na nagsasanay pero pakiramdam ko ay naubos na ang lahat ng lakas ko. Hindi ganoon kadami ang aurang inilabas ko pero pakiramdam ko ay umabot na ako sa sukdulan ng limitasyon ko.
Hinahapong pinaypayan ko ng kamay ang sarili ko. Pinagpapawisan na din ako at hindi na talaga maganda ang nangyayari sa akin.
Minabuti kong maupo sa sahig at hubadin ang blazer ko dahil sa init.
Muli akong napabuntong-hininga nang makita ang tila itim na marka ng mga kadena na nakapulupot sa kanang braso k
