Nanabik akong iminulat ang mga mata ko. Alam ko ang araw ngayon. Ngayon ang araw na muli kong makikita ang pamilya ko. Nami-miss ko na sila nang sobra. Sa nagdaang linggo kasi ay hanggang sa text at tawag lang ang komunikasyon ko sa parents at mga kapatid ko. Ngunit ngayon ay makakasama ko sila ng dalawang araw.
Excited akong bumangon kahit na madilim pa lang. Tulog na tulog pa nga si Attorney sa tabi ko samantalang mas nauna siyang nakatulog kagabi kesa sa akin. Paano kasi ay napakaraming bumabagabag na mga isipin sa utak ko lalo na 'yung tungkol sa amin ni Steven.
Nag-init ang dalawang pisngi ko nang maalala ko ang namagitan sa aming dalawa. Alam kong mali. Alam kong ikapapahamak ko kung sakaling malalaman ni Attorney ang namamagitan sa amin ni Steven ngayon ngunit sa tuwing binabalik
