HADEN:
MABILIS lumipas ang mga araw. Naging maayos at masaya naman ang pagsasama namin ni Sofi habang nandidito kami sa kanilang isla. Nagkakaharutan, kulitan at asaran kami lagi. Kami lang naman kasi ang nandidito sa isla nila kaya wala kaming ibang kukulitin kundi ang isa't-isa.
Habang lumilipas ang mga araw na nagkakakilala kami ni Sofi ay mas lalo kaming napapalapit sa isa't-isa. Hindi naman pala siya totoong suplada at maldita. Tama ang mga kwento ni Kuya sa akin dati na makulit, masayahin at clingy ito. Na hindi ka mahihirapang. . . magustuhan siya.
Nanghihinayang lang ako na pinakawalan niya si Sofi dahil sa ambisyon niya. Pero maganda na rin na nangyari iyon dahil. . . napunta sa tamang tao si Sofi. Na kaya siyang tanggapin at mahalin sa kung sino siya at hindi sa kung anong mer
