DENIM shorts at white T-shirt na tinernuhan ng boots ang isinuot ni Raquel. Nang pumanaog siya ay nakita niyang abala si Aling Tonyang sa pagdidilig ng halaman sa hardin.
Dumiretso siya sa kuwadra at nadatnan niya roon si Mang Lando. “Magandang umaga ho,” magalang na bati niya rito.
Ngumiti ito at gumanti ng bati sa kanya. “Nabanggit sa ‘kin ng aking asawa na gusto mo raw mamasyal sa bundok kaya hinanda ko na ang gagamitin mong kabayo.” Binuksan nito ang stall at hinila palabas si Hagibis, ang matikas na black stallion.
Hinimas-himas niya ang ulo ng kabayo. “Hello, Hagibis.” Inalalayan siya ni Mang Lando sa pagsampa kay Hagibis.
Hinagupit niya ang kabayo. Umangat mula sa lupa ang mga paa nito at saka biglang kumaripas ng takbo.
Para siyang ibong lumilipad habang humahampas sa kanyang
