Sarah
Hindi ko naisip na muli pang magtatanong si Johan tungkol sa totoo niyang tatay. Pinaliwanag ko na sa kanya noon pa man kung bakit hindi kami magkasama ng kanyang Ama pero paminsan-minsan ay bigla na lang niyang naaalala ang tungkol dito. Sa lahat ng pagkakataon na pag-usapan namin ang tungkol sa kanya ay ito na yata ang pinakamasakit sa akin bilang Ina.
Ang isipin ng anak ko na ayaw sa kanya ng totoo niyang Ama dahil lang sa hindi ito nagpapakita sa kanya ay para bang dinudurog na ang puso ko. Hindi ko magawang sagutin ng deretso ang kanyang tanong dahil kahit ako ay hindi ko rin alam kung nagkataon kaya na alam niya ang tungkol sa pinagbubuntis ko noon, hahayaan niya kayang umalis ako o pipigilan ako. Sa nakikita ko ngayon ay natatakot ako sa tamang sagot na maririnig ng anak k
