Ngunit biglang nagsalubong ang kilay ko dahil sa kadenang itim na basta na lang hinagis papunta sa akin ng babaeng kalaban ko. Alam kong pupulupot ito sa aking katawan kaya naman mabilis akong umalis sa aking pwesto.
Ngunit kahit saan ako magpunta ay nakasunod ito sa akin. Panay naman ang halakhak ng babae na parang nababaliw na yata.
“Kahit saan ka magpunta at sundan ka ng aking kadenang itim. At oras na dumikit siya sa katawan mo ay tiyak na lilingkisin ka niyang na parang ahas hanggang sa mamatay ka---” mayabang na turan ng babaeng kalaban ko. Hindi ako nagsalita.
Ngunit mabilis na umangat ang aking katawan sa ere at ilang beses din akong umikot. Pagkatapos ay mabilis kong kinuha ang aking kutsilyo at singbilis ng kidlat na tinarget ko ang aking kalaban. Sapol na sapol ito sa leeg
