Pagkatapos ay naramdaman kong may sumuntok sa aking tagiliran. Bigla akong napangiwi ngunit tiniis ko ang sakit nang pagsuntok sa akin ng kalaban ko. Hanggang sa mabilis kong kinuha ang aking kutsilyo at agad kong pinapunta sa likuran ko ang kutsilyo at walang pag-aalinlangan na sinaksak ko ito sa tiyan.
Nang lumayo ito mula sa likuran ko ay agad ding nahugot ang kutsilyong nakabaon sa tiyan niya. Inangat ko rin ang aking siko sabay lapit sa aking laban at buong lakas ko itong siniko sa mukha niya. Nagmamadali akong umalis sa kinatatayuan ko at mabilis na nakapunta sa likuran nito at muli ko itong sinaksak sa tagiliran niya. Kitang-kita ko naman na unti-unti na itong nalulusaw.
Mayamaya pa’y nakita ko ang ibang mga kalaban na papalapit sa akin at balak akong saktan. Ngunit hindi pa sila
