Muli akong napatingin sa kay Jus. Pasimple ko ring ikinuyom ang aking mga kamao. Hayop! Kahit pala walang maalala ang lalaking ‘to ay parang pakiwaari ko’y nagseselos pa rin ito. O, baka guni-guni ko lamang ‘yun, dahil sadyang masungit ito. Lalo at ang mga babae rito sa palasyo at balot ja balot ng mga makakapal na damit.
Mayamaya pa’y may tinagaw na isang babae si Delgado at narinig ko na inutos nito na dalhin ako sa kwarto para magpalit daw ng damit ko. Agad naman akong niyaya ng babaeng lumapit sa amin at dinala sa loob ng silid. May mga inabot ito sa akin na mga damit na kulay puti. Dali-dali ko naman itong isinuot. Agad ko ring pinusod ang buhok ko dahil tuyo na ito.
Pagkatapos ay agad na akong lumabas ng kwarto para bumalik sa mga taong naghihintay sa akin. Dali-dali akong lumapi
