Dapat nalulula na siya sa sobrang karangyaan na nakikita niya sa paligid ng hotel kaso hindi. Paano kasi hindi siya makapag-isip ng tama dahil kanina pa siya naiilang sa mahigpit na pagkahapit sa kaniya ni Elijah. Iyong tipo na ayaw na siya nitong pakawalan pa na animo'y sawa kung makapulupot.
"Good morning, Sir." Bati dito ng mga empleyado. Ang iba doon ay nakita na niya noong kasal nila. Lalo na si Melanie na ipinakilala nitong secretary dahil mabait ito sa kaniya.
Nang makapasok sila sa loob ng opisina nito ay agad na umupo ang binta sa lamesa nito at nag-umpisa ng magtrabaho na hindi nililinaw sa kaniya kung ano ang dahilan ng pagdala nito sa kaniya sa hotel. Bukod sa alam niyang ngayong araw na ito ibabalik sa hotel bilang CEO. Hindi na rin kasi inilihim pa sa kaniya ni Elijah ang
