Chapter 70: Gone
SA isang silid ay nakangiting nagmulat ng mata ang binata, masaya siya sapagkat nagka ayos na silang muli ng kaniyang mahal.
Kaya naman kaagad siyang tumagilid saka niyakap ang babae, ngunit kaagad siyang natigilan ng wala siyang mayakap na katawan sa kaniyang tabi kung hindi ang unan lamang.
Mabilis siyang dumilat at inilibot ang mata sa loob.
"Winter?"
Tumayo pa siya saka inisa isa ang sulok ng silid upang hanapin ang dalaga.
"Winter?!"
Nakakailang tawag na siya ngunit wala siyang nakita ni anino ni ng dalaga.
"Winter?!"
Wala siyang nakuhang sagot, kaya naman hindi niya mapigilan ang mapahilamos sa mukha paitaas sa kaniyang buhok.
"Fuck...Winter!"
Malakas na sigaw niya, ngunit wala pa rin ang dalaga. Nagsisimulang tumubo ang kaba at takot sa kaniyang dibdib.
